IPL 2023 / VIDEO: ધોનીએ ફિલ્ડરની જગ્યા બદલી અને બીજા જ બોલમાં હાર્દિકનો કેચ પકડ્યો... વીડિયો જોઈને ચોંકી જશો

• ચેન્નઈએ ગુજરાત સામે 15 રનથી મેળવ્યો વિજય
• માહીએ હાર્દિકને આઉટ કરવા બનાવી રણનીતિ
• ફીલ્ડિંગમાં કર્યાં જરૂરી ફેરફારો

મહેન્દ્ર સિંહ ધોનીની કેપ્ટનશીપવાળી ચેન્નઈ સુપર કિંગ્સે ક્વોલીફાયર 1માં GTને માત આપીને ફાઈનલ્સમાં પ્રવેશ કરી લીધો છે. કુલ 12 વખત પ્લેઓફમાં પહોંચનારી CSK માટે આ 10મો ચાન્સ છે જ્યારે તે IPLનાં ફાઈનલમાં રમશે. દરેક વખતે ધોનીએ ટીમને ફાઈનલ્સ સુધી પહોંચાડ્યું છે અને વિજયી પણ બનાવ્યું છે. ગુરુ ધોની પાસેથી શીખીને હાર્દિક પંડ્યા આ મેચમાં ધોનીને જ આઉટ કરવા માટે મહેનત કરી રહ્યાં હતાં. પરંતુ થયું ઊલ્ટું. માહીએ કહ્યું કે ગુરુ ગુરુ હોય છે અને શિષ્યએ શિષ્ય. 

👀 Dhoni moved a fielder to the off-side a ball prior to Hardik getting dismissed! #GTvCSK #TATAIPL #Qualifier1 #IPLonJioCinema pic.twitter.com/oJow2Vp2rj

— JioCinema (@JioCinema) May 23, 2023

માહીએ બનાવી રણનીતિ
મહેન્દ્ર સિંહ ધોનીએ મેચ દરમિયાન એવી રણનીતિ બનાવી કે જેની આગળ હાર્દિક પંડ્યા પણ ચોંકી ગયાં. લક્ષ્યને હાંસિલ કરવા માટે હાર્દિક પંડ્યાએ પોતાનાં બેટિંગ ઓર્ડરમાં ફેરફાર કર્યો. તે નંબર 3 પર બેટિંગ કરવા આવ્યાં હતાં પરંતુ તેમનો આ મૂવ ખોટો સાબિત થયો. માત્ર 8 રન બનાવીને તે આઉટ થઈ ગયાં. આમ તો મહેશ થીક્ષાનાએ તેમની વિકેટ લીધી હતી પરંતુ તેની પાછળ ધોનીની રણનીતિ હતી તેવું કહીએ તો ખોટું નથી.

ફીલ્ડિંગમાં કર્યાં જરૂરી ફેરફારો

ધોનીએ હાર્દિકનાં મગજ સાથે પ્લે કર્યું. હાર્દિક છઠ્ઠી ઓવરની 5મી બોલમાં આઉટ થયાં હતાં. થીક્ષાણાની બોલિંગ પર રવીન્દ્ર જાડેજાએ કેચ પકડ્યો. પંડ્યા આઉટ થયા તે પહેલા માહીએ ફીલ્ડિંગમાં જરૂરી ફેરફારો કર્યાં હતાં. ધોનીએ સ્કવોયર લેગથી ફીલ્ડરને હટાવીને તેને કવર્સની પાસે જવા કહ્યું. આ એટલા માટે કરવામાં આવ્યું જેથી હાર્દિક ઓફ સ્ટંપ પર 30 યાર્ડનાં સર્કલની ઉપરથી મારવાનો પ્રયાસ કરે અને કેચ આઉટ થાય. અને એવું જ થયું. હાર્દિકે પોતાનો ચોગ્ગો ઓફ સાઈડ ફટકાર્યો જેમાં તે કેચ આઉટ થઈ ગયાં.

CSK આ મેચ 15 રનથી જીતી ગઈ
મેચ દરમિયાન હાર્દિક પંડ્યાની ટીમ GTએ ટોસ જીતીને પહેલાં બોલિંગ કરવાનો નિર્ણય કર્યો હતો. CSKએ 172 રનનો સ્કોર બનાવ્યો હતો. GT, 173નો લક્ષ્યાંક હાંસિલ કરવામાં અટવાઈ ગઈ અને CSK આ મેચ 15 રનથી જીતી ગઈ હતી.