સામૂહિક આપઘાત / પંચમહાલના કોટડામાં 2 સંતાનો સાથે માતાએ કૂવામાં ઝંપલાવ્યું, ત્રણેયનાં મોત, ગામમાં અરેરાટી

• પંચમહાલના કોટડા ગામે મહિલાએ સંતાનો સાથે કૂવામાં ઝંપલાવ્યું
• 2 સંતાનો સાથે કૂવામાં ઝંપલાવનાર માતાનું મોત 
• ડૂબી જવાથી બન્ને સંતાનોના પણ થયા મોત 

રાજ્યમાં ફરીએકવાર આપઘાતની ઘટના સામે આવી છે. પંચમહાલના કોટડા ગામે મહિલાએ સંતાનો સાથે કૂવામાં ઝંપલાવ્યું છે. જે ઘટનામાં 2 સંતાનો સાથે કૂવામાં ઝંપલાવનાર માતાનું મોત થયું છે.  પાણીમાં ડૂબી જવાથી બન્ને સંતાનોના પણ કમકમાટી ભર્યા મોત થયા છે.  

2 સંતાનો સાથે મહિલાએ આપઘાત કર્યો
કોટડા ગામના નિશાળ ફળિયામાં રહેતી પરિણીતાએ આપઘાત કરી લેતા સમગ્ર પંથકમાં શોકનું મોજું ફરી વળ્યું છે.  ઉલ્લેખનીય છે કે, 2 સંતાનો સાથે મહિલાની ગઇકાલ સાંજથી શોધખોળ ચાલી રહી હતી. પોલીસે મૃતદેહોને પોસ્ટમોર્ટમ માટે મોકલી વધુ તપાસ હાથ ધરી છે. 

વાંચવા જેવું: માત્ર 24 કલાક! હવે ગુજરાત આવશે હિટવેવની ઝપેટમાં, જાણો કેટલી ડિગ્રીએ પહોંચશે તાપમાનનો પારો

પોલીસે તપાસ તેજ કરી
આપઘાતની ઘટનાના પગલે પોલીસે તપાસ હાથ ધરી છે. જો કે, હજુ સુધી કોઈ ચોક્કસ કારણ જાણવા મળ્યું નથી. જો કે, ઘટનાના પગલે સમગ્ર પંથકમાં ગમગીન છવાઈ જવા પામી છે. બંન્ને બાળકો સાથે માતાએ કૂવામાં મોતની છલાંગ પાછળનું કારણ શોધાવા પોલીસે તપાસ તેજ કરી છે.