રાજકોટ / બાગેશ્વર ધામના ધીરેન્દ્ર શાસ્ત્રીને લઈ મોરારીબાપુએ જુઓ શું નિવેદન આપ્યું?

• બાગેશ્વર ધામના ધીરેન્દ્ર શાસ્ત્રી મુદ્દે મોરારીબાપુનુ નિવેદન
• હું એમનાથી બહુ પરિચય નથી: મોરારી બાપુ
• અગાઉની કથામાં ધીરેન્દ્ર શાસ્ત્રી અતિથિ તરીકે આવ્યાની ચર્ચા

રાજકોટમાં કથાકાર મોરારીબાપુએ બાગેશ્વરધામના ધીરેન્દ્ર શાસ્ત્રીને લઈ નિવેદન સામે આવ્યું છે. ખૂબજ ચર્ચામાં રહેલા ધીરેન્દ્ર શાસ્ત્રી વિષે મોરારીબાપુને પૂછવામાં આવતા તેમણે કહ્યું કે, બહુચર્ચિત બાગેશ્વરધામના ધીરેન્દ્ર શાસ્ત્રીનો મારે પરિચય નથી. જોકે મોરારીબાપુની અગાઉની કથામાં ધીરેન્દ્ર શાસ્ત્રી અતિથિ તરીકે આવેલા હોવાની પણ ચર્ચા છે. સત્યનિષ્ઠ પ્રેમ નિષ્ઠ અને કર્મ નિષ્ઠ પત્રકાર થવું હોય તો હનુમાનજીની જેમ બાધાઓ આવશે એ પાર કરવી પડશે તેમ મોરારીબાપુએ જણાવ્યું હતું.

'એમનાથી બહુ પરિચય નથી'
બાગેશ્વર ધામના ધીરેન્દ્ર શાસ્ત્રી મુદ્દે મોરારીબાપુ કહ્યું કે, હુ એમનાથી બહુ પરિચિત નથી. જો કે, એક સમય બાપુની કથા દરમિયાન ધીરેન્દ્ર શાસ્ત્રી ઉપસ્થિત રહ્યા હતા. બાપુના વ્યાસ પીઠથી અગાઉ ધીરેન્દ્ર શાસ્ત્રીએ પણ એક નિવેદન આપ્યું હતું. જેમાં તમેણે કહ્યું હતું કે, આજે ભારતમાં કોઈ યુગ તુલસી હોય તો તે બાપુ છે. પ્રવર્તમાન તુલસી હોય તો તે બાપુ છે. આજે રાજકોટમાં બાપુએ જણાવ્યું કે, ધીરેન્દ્ર શાસ્ત્રીથી પરિચય નથી. કેટલાક સમયથી ધીરેન શાસ્ત્રી પોતાના પ્રવર્ચનથી વિવાદોમાં છે 

કોણ છે ધીરેન્દ્ર શાસ્ત્રી બાગેશ્વર ધામ સરકાર?
બાગેશ્વર ધામ સરકાર મધ્યપ્રદેશનાં છત્તરપુર જિલ્લામાં સ્થિત છે. બાગેશ્વર દરબારમાં લાખોની સંખ્યામાં શ્રદ્ધાળુઓ પોતાની અરજીઓ લઈને આવતાં હોય છે. ધીરેન્દ્ર શાસ્ત્રી બાગેશ્વર ધામ સરકારનાં નામથી દુનિયાભરમાં પ્રસિદ્ધી મેળવી ચૂક્યાં છે. તેમના વીડિયો પણ સોશિયલ મીડિયા પર ઘણાં વાયરલ થતાં હોય છે.  કહેવામાં આવે છે કે ધીરેન્દ્ર શાસ્ત્રી લોકોનાં મનની વાતો વાંચી શકે છે. એટલું જ નહીં શાસ્ત્રી દરબારમાં આવેલા વ્યક્તિનાં મોબાઈલ નંબર અને ઘરમાં રાખેલી ચીજો વિશે પણ માહિતી આપે છે.

આ બાબા સામે નીતિન ગડકરી પણ માથું નમાવે છે
26 વર્ષીય ધીરેન્દ્ર કૃષ્ણ શાસ્ત્રીનાં હજારો લોકો ભક્ત છે જેમની સામે નીતિન ગડકરી પણ માથું નમાવે છે. આ બાબા પોતાના પાસે હંમેશા એક ગદા રાખે છે. આલોચના કરનારાની સામે જવાબ આપતાં પ્રવચન દરમિયાન બાબાએ કહ્યું હતું કે, હનુમાનજી અમને જે પ્રેરણા આપશે તે જ અમે જણાવશું, આ વિધર્મીઓ ઘણાં આવશે અને જે બોલી રહ્યાં છે તેમને એટલું જ કહેવું છે કે અમે પણ અંધવિશ્વાસનાં વિરોધી છીએ. અમે પણ ગુનિયા, ઓઝા, તાંત્રિકોનાં વિરોધી છીએ.