બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / સુરતના સમાચાર / ગુજરાતમાં બેસી ગયું ચોમાસું! 11 તાલુકામાં વાવણી લાયક વરસાદ, કાલે ભારે વરસાદની આગાહી
5 ફોટો ગેલેરી
Last Updated: 04:25 PM, 30 June 2026
FOLLOW ON
શેર કરો
1/5
નવસારી જિલ્લામાં વરસાદે જોરદાર એન્ટ્રી કરતાં શહેર ઉપરાંત ગ્રામ્ય વિસ્તારોમાં વરસાદી માહોલ જામ્યો છે. ખાસ કરીને ચીખલી તાલુકાના અનેક ગામોમાં ધોધમાર વરસાદ વરસતા સર્વિસ રોડ સહિત નીચાણવાળા વિસ્તારોમાં પાણી ભરાઈ ગયા હતા, જેના કારણે વાહનચાલકોને અવરજવરમાં મુશ્કેલીઓનો સામનો કરવો પડ્યો. બીજી તરફ, જિલ્લામાં સાર્વત્રિક વરસાદ થતાં ખેડૂતોમાં ખુશીનો માહોલ જોવા મળ્યો છે. વરસાદથી ખેતી માટે અનુકૂળ પરિસ્થિતિ સર્જાતા વાવણીની કામગીરીને વેગ મળવાની આશા વ્યક્ત કરવામાં આવી રહી છે.
આ તસવીર શેર કરો
2/5
આણંદ જિલ્લાના પેટલાદમાં મેઘરાજાએ ધમાકેદાર એન્ટ્રી કરતાં શહેર તેમજ ગ્રામ્ય વિસ્તારોમાં ભારે પવન સાથે વરસાદ વરસ્યો. લાંબા વિરામ બાદ પડેલા વરસાદથી વાતાવરણમાં ઠંડક પ્રસરી ગઈ અને લોકોને ગરમીમાંથી રાહત મળી. વરસાદના કારણે શહેરના અનેક રસ્તાઓ પર પાણી ભરાઈ જતા વાહનચાલકોને અવરજવર દરમિયાન મુશ્કેલીનો સામનો કરવો પડ્યો. બીજી તરફ, વરસાદથી ખેડૂતોમાં ખુશીનો માહોલ જોવા મળ્યો છે, કારણ કે પાક માટે જરૂરી ભેજ મળતાં ખેતીકાર્યોને નવી ગતિ મળશે તેવી આશા વ્યક્ત કરવામાં આવી રહી છે.
આ તસવીર શેર કરો
3/5
ડાંગ જિલ્લામાં બે દિવસના વિરામ બાદ ફરી એકવાર વરસાદી માહોલ જામ્યો છે. વઘઈ અને સુબીર તાલુકાના વિવિધ વિસ્તારોમાં વરસાદ વરસતા વાતાવરણમાં ઠંડક પ્રસરી ગઈ છે. વરસાદના આગમનથી ખેડૂતોમાં ખુશીનો માહોલ જોવા મળી રહ્યો છે, કારણ કે ખેતીના કામને ગતિ મળશે તેવી આશા વ્યક્ત થઈ રહી છે. બીજી તરફ, છેલ્લા કેટલાક દિવસોથી પડી રહેલી અસહ્ય ગરમીથી પણ લોકોને આંશિક રાહત મળી છે. વરસાદને કારણે જિલ્લામાં પ્રકૃતિ ફરી એકવાર હરિયાળી તરફ આગળ વધી રહી છે.
આ તસવીર શેર કરો
4/5
ભાવનગર જિલ્લાના ગ્રામ્ય વિસ્તારોમાં મેઘરાજાએ જોરદાર હાજરી નોંધાવતા વરસાદી માહોલ જામ્યો છે. વલ્લભીપુર તાલુકા સહિત લાખણકા, કલ્યાણપુર, સમારડી અને આસપાસના ગામોમાં સારો વરસાદ વરસ્યો છે. વાવણીલાયક વરસાદ થતાં ખેડૂતોમાં ખુશીનો માહોલ જોવા મળી રહ્યો છે. લાંબા સમયથી વરસાદની રાહ જોઈ રહેલા ખેડૂતો હવે ખેતીની કામગીરીમાં વ્યસ્ત બન્યા છે અને સારા વરસાદથી આ વર્ષની ખેતીની સિઝન માટે આશાવાદ વ્યક્ત કરી રહ્યા છે.
આ તસવીર શેર કરો
5/5
અમરેલી જિલ્લામાં વરસાદી માહોલ જામ્યો છે. સાવરકુંડલા શહેર અને આસપાસના ગ્રામ્ય વિસ્તારોમાં મેઘરાજાએ ધમાકેદાર એન્ટ્રી કરતાં વાતાવરણમાં ઠંડક પ્રસરી ગઈ છે. ગોરડકા, લુવારા સહિતના અનેક ગામોમાં સારો વરસાદ નોંધાતા ખેડૂતોમાં ખુશીનો માહોલ જોવા મળી રહ્યો છે. વરસાદના કારણે ખેતી માટે અનુકૂળ પરિસ્થિતિ સર્જાઈ છે અને વાવણીને પણ વેગ મળશે તેવી આશા વ્યક્ત કરવામાં આવી રહી છે. બીજી તરફ, સતત પડી રહેલા વરસાદને કારણે લોકોને ઉકળાટભરી ગરમીમાંથી મોટી રાહત મળી છે અને સમગ્ર વિસ્તારમાં ખુશનુમા વાતાવરણ સર્જાયું છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
