લંપટ સાધુ / નિત્યાનંદ આશ્રમમાંથી ગુમ યુવતીઓએ ભારત પરત આવવા પોલીસ સમક્ષ મૂકી આવી શરતો

• તત્વપ્રિયાનો વધુ એક વીડિયો આવ્યો સામે
• શરત માને તો જ ભારત આવવાનું કહ્યું
• બંને ગુરુ બહેનોને છોડવાની રાખી શરત

અમદાવાદના નિત્યાનંદ આશ્રમના વિવાદનો મામલો વધુને વધુ વિવાદિત થઈ રહ્યો છે ત્યારે ફરી એકવાર તત્વપ્રિયાનો વીડિયો સામે આવ્યો છે. તત્વપ્રિયાએ પોલીસ સમક્ષ હાજર થવા શરતો રાખી છે. 
 
ગુમસુદા યુવતીઓ આવી સામે મૂકી શરતો

મને પોલીસ પ્રોટેક્શન આપવામાં આવે તો જ હું ભારત આવીશ. અમે આવીએ ત્યારથી અમે કોર્ટમાં હાજર થઈને પરત આવીએ ત્યાં સુધી અમારે પોલીસ પ્રોટેક્શન જોઈએ છે. કોર્ટ ઓર્ડર કરે કે મને અને મારી બહેનને કિડનેપ ન કરાય. મને અને મારી બહેનને અરેસ્ટ ન કરવામાં આવે. એ લોકો મને રોકાવા માટે ઓર્ડર નહિ કરે. અને મારી બંને ગુરુ બહેનોને છોડવામાં આવે. આ શરતો મંજૂર કરશે તો જ ભારત આવીશું.