ન્યૂઝ અપડેટ્સ
ન્યૂઝ અપડેટ્સ
VTV / લાઈફસ્ટાઈલ / ટેક અને ઓટો / 34KM માઈલેજ, 15 એરબેગ્સ અને લક્ઝરી ફીચર્સ સાથે ધમાકેદાર એન્ટ્રી, માત્ર 30 યુનિટ માટે લોન્ચ થઈ આ પ્રીમિયમ કાર
9 ફોટો ગેલેરી
Last Updated: 01:21 PM, 6 October 2026
FOLLOW ON
શેર કરો
1/9
Mercedes-Maybach S 580e ભારતમાં ₹3.35 કરોડની એક્સ-શોરૂમ કિંમતે લોન્ચ થઈ છે. આ કારને માત્ર 30 યુનિટના શરૂઆતના બેચમાં રજૂ કરવામાં આવી છે.પ્લગ-ઇન હાઇબ્રિડ ટેક્નોલોજી સાથે આવતી આ Maybachમાં શાહી લક્ઝરીની સાથે 34.48 કિમી પ્રતિ લિટર સુધીની માઇલેજ અને 15 એરબેગ્સ જેવા ફીચર્સ મળે છે.
આ તસવીર શેર કરો
2/9
Mercedes-Maybach S 580eને ભારતમાં ₹3.35 કરોડની એક્સ-શોરૂમ કિંમતે લોન્ચ કરવામાં આવી છે. કંપનીએ શરૂઆતના બેચમાં માત્ર 30 યુનિટ ભારતમાં રાખ્યા છે. એટલે હાલમાં માત્ર 30 ગ્રાહકોને જ આ કાર ખરીદવાની તક મળશે. થોડા મહિના પહેલા આવેલી રેગ્યુલર S-Class Manufaktur Edition AMG Lineની સરખામણીમાં તેની કિંમત લગભગ ₹97 લાખ વધારે છે. આ ભારતમાં Maybach બ્રાન્ડની પહેલી પ્લગ-ઇન હાઇબ્રિડ કાર છે.
આ તસવીર શેર કરો
ADVERTISEMENT
3/9
નવી Maybach S-Classના બહારના લુકમાં રેગ્યુલર S-Class ફેસલિફ્ટની અસર જોવા મળે છે. જોકે Maybachને અલગ ઓળખ આપવા માટે ખાસ ડિઝાઇન એલિમેન્ટ્સ ઉમેરવામાં આવ્યા છે. તેની ફ્રન્ટ ગ્રિલ અગાઉની સરખામણીમાં 20 ટકા મોટી છે અને તેમાં LED લાઇટિંગ આપવામાં આવ્યું છે. બોનેટ પર રોશની કરતો Mercedes સ્ટાર પણ મળે છે. ખાસ વર્ટિકલ-સ્લેટ ગ્રિલની ઉપર ઇલ્યુમિનેટેડ Maybach વર્ડમાર્ક આપવામાં આવ્યો છે.
આ તસવીર શેર કરો
4/9
Maybach S 580eનું કદ પણ તેને રેગ્યુલર S-Classથી અલગ બનાવે છે. આ કાર લોંગ-વ્હીલબેઝ S-Class કરતાં લગભગ 180 મિમી વધારે લાંબી છે. ભારતમાં તેને 20-ઇંચના ફોર્જ્ડ Maybach એલોય વ્હીલ્સ સાથે રજૂ કરવામાં આવી છે. વ્હીલ્સમાં કાઉન્ટરવેઇટેડ Mercedes લોગો આપવામાં આવ્યો છે, જે કાર ચાલતી હોય ત્યારે પણ સીધો જોવા મળે છે. નવા મોટા હેડલેમ્પમાં Digital Light ટેક્નોલોજી અને ત્રણ-પોઇન્ટેડ સ્ટાર ડિઝાઇનવાળા DRLs મળે છે.
આ તસવીર શેર કરો
ADVERTISEMENT
5/9
નવી Maybach S 580eમાં સૌથી મોટો ફેરફાર એન્જિનમાં કરવામાં આવ્યો છે. અગાઉના મોડલમાં 4.0 લિટર V8 એન્જિન હતું, જ્યારે નવા મોડલમાં પ્લગ-ઇન હાઇબ્રિડ સેટઅપ આપવામાં આવ્યો છે. તેમાં 3.0 લિટર ઇનલાઇન-6 પેટ્રોલ એન્જિન 443hp પાવર અને 560Nm ટોર્ક જનરેટ કરે છે. તેની સાથે 160hp અને 480Nmનું ઇલેક્ટ્રિક મોટર જોડવામાં આવ્યું છે. બંનેને મળીને કારનું કુલ આઉટપુટ 585hp અને 750Nm છે.
આ તસવીર શેર કરો
6/9
કારમાં 22kWhનું બેટરી પેક આપવામાં આવ્યું છે. ઓલ-વ્હીલ ડ્રાઇવ સિસ્ટમ સ્ટાન્ડર્ડ તરીકે મળે છે. Mercedes-Benz મુજબ કાર માત્ર ઇલેક્ટ્રિક પાવર પર 98 કિમી સુધી ચાલી શકે છે અને ઇલેક્ટ્રિક મોડમાં તેની ટોપ સ્પીડ 140 કિમી પ્રતિ કલાક છે. PHEV સિસ્ટમના કારણે તેની WLTP-સર્ટિફાઇડ ફ્યુઅલ એફિશિયન્સી 34.48 કિમી પ્રતિ લિટર છે. તેમાં Maybach, Electric અને Battery Hold એમ ત્રણ ડ્રાઇવિંગ મોડ આપવામાં આવ્યા છે.
આ તસવીર શેર કરો
ADVERTISEMENT
7/9
Mercedes-Maybach S 580eમાં 11kW AC ઓન-બોર્ડ ચાર્જર આપવામાં આવ્યું છે. આ ઉપરાંત કાર 60kW સુધીના DC ફાસ્ટ ચાર્જિંગને પણ સપોર્ટ કરે છે. કારમાં એડજસ્ટેબલ એનર્જી રિકવરી સિસ્ટમ પણ મળે છે અને તેમાં વન-પેડલ ડ્રાઇવિંગનો વિકલ્પ આપવામાં આવ્યો છે. સસ્પેન્શનમાં એર સસ્પેન્શન અને રિયર-એક્સલ સ્ટિયરિંગને સ્ટાન્ડર્ડ ફીચર બનાવવામાં આવ્યા છે.
આ તસવીર શેર કરો
8/9
Maybachમાં સૌથી વધુ ધ્યાન પાછળ બેઠેલા મુસાફરોના આરામ પર આપવામાં આવે છે. નવી S 580eને 4-સીટર લેઆઉટમાં રજૂ કરવામાં આવી છે. તેમાં એગ્ઝિક્યુટિવ રિયર સીટ્સ અને ફુલ-લેન્થ બિઝનેસ કન્સોલ મળે છે. રિયર કમ્ફર્ટ પેકેજ પ્લસ સ્ટાન્ડર્ડ છે, જેમાં ફોલ્ડ-આઉટ ટ્રે ટેબલ, વાયરલેસ ચાર્જિંગ, રિયર કેબિન એમ્બિયન્ટ લાઇટિંગ અને ટેમ્પરેચર કંટ્રોલ કપ હોલ્ડર્સ મળે છે. પાછળની સીટ 43 ડિગ્રી સુધી રિક્લાઇન થઈ શકે છે. બંને સીટમાં હીટિંગ, વેન્ટિલેશન અને મસાજ ફંક્શન પણ મળે છે.
આ તસવીર શેર કરો
ADVERTISEMENT
9/9
Maybach S 580eના ડેશબોર્ડમાં MBUX સુપરસ્ક્રીન આપવામાં આવી છે. તેમાં સેન્ટ્રલ ડિસ્પ્લે, ફ્રન્ટ પેસેન્જર ડિસ્પ્લે અને ડ્રાઇવર માટે 3D ડિસ્પ્લે મળે છે. તમામ સ્ક્રીનમાં ખાસ Maybach ગ્રાફિકલ થીમ અને રોઝ ગોલ્ડ એક્સેન્ટ આપવામાં આવ્યા છે. કારમાં Augmented Reality Head-Up Display, AI નેવિગેશન, 31-સ્પીકર Burmester 4D સરાઉન્ડ સાઉન્ડ સિસ્ટમ અને બે રિયર એન્ટરટેઇનમેન્ટ સ્ક્રીન મળે છે. સુરક્ષા માટે આગળ અને પાછળના મુસાફરોને ધ્યાનમાં રાખીને કુલ 15 એરબેગ્સ આપવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
