તપાસ / મહેસાણા યુરિયા કૌભાંડના તાર પૂર્વ કચ્છ સુધી લંબાયા, સબસીડી વાળા ખાતરનું મસમોટું કૌભાંડ બહાર આવે તો નવાઇ નહિ!

• મહેસાણા યુરિયા કૌભાંડના તાર પૂર્વ કચ્છ સુધી લંબાયા
• મહેસાણા LCBએ રાજસ્થાન લઇ જવાતું 667 થેલી ખાતર પકડ્યુ હતુ
• મહેસાણા-ઊંઝા હાઈવે પર વેર હાઉસમાંથી ઝડપ્યું હતું ખાતર

મહેસાણા યુરિયા કૌભાંડના તાર પૂર્વ કચ્છ સુધી લંબાયા છે. જેમાં સંગ્રહ કરેલ ખાતર ગાંધીધામ લઈ જવાતું હતું. પોલીસની તપાસ દરમિયાન અમદાવાદથી ખાતરને ગાંધીધામની ફેકટરીમાં લઈ જવાયુ હોવાનું સામે આવ્યું છે. વધુમાં મહેસાણા LCBએ ગાંધીધામ પડાણાની પ્લાયવુડ ફેકટરીમાં તપાસ હાથધરી હતી આ દરમિયાન LCBને કેસને લગતા દસ્તાવેજો મળી આવ્યા હોવાનું પણ સામે  આવ્યું છે. પોલીસ તપાસ દરમિયાન  સબસીડીવાળા ખાતરના મસમોટું કૌભાંડ બહાર આવી શકે છે.

શું હતો સમગ્ર મામલો? 
મહેસાણા એલસીબી સ્ટાફ નાઈટ પેટ્રોલિંગમાં હતી. તે દરમિયાન મહેસાણા-ઊંઝા હાઈવે પર વેર હાઉસના ગોડાઉનમાં જઈ તપાસ કરતા ટ્રકમાંથી યુરિયા ખાતરની નીમ કોટેડ બેગ ઝડપાઇ હતી. વધુમાં ટ્રકના પાછળના ભાગે મજૂરો દ્વારા ઉતારેલ નીમ કોટેડ યુરિયા ખાતરની બેગ 512 મળી કુલ યુરિયા ખાતરની 667 થેલી કિંમત રૂ. 1,77,755 નો જથ્થો ઝડપાયું હતો. જેમાં પોલીસની પૂછપરછમાં આ જથ્થો ઇફ્કો કલોલ પ્લાન્ટ ખાતેથી મેળવી રાજસ્થાન ખાતે લઇ જવાનો હતો. પરંતુ ટ્રક માલિક રાણારામ રૂપારામના કહેવાથી ઠાકોર પોપટજી હેમરાજજી વેચાણ આપ્યો હતો. ત્યારબાદ ભાડે રાખેલ ગોડાઉનમાં સગ્રંહ કર્યો હતો. આ જથ્થો અમદાવાદના કમલેશ પટેલ અને મિતુલ મોદી વેચાણ કરવા સંગ્રહ કર્યો હોવાનું જાણવા મળ્યું હતું. જેને લઈને તમામ વિરુદ્ધ વિશ્વાસઘાતનો ગુન્હો નોંધાયો હતો.