કોરોના વાયરસ / આ મહિનો સૌથી ઘાતક બન્યો, 21 દિવસમાં 71 લાખથી વધુ કોરોનાના કેસ નોંધાયા, મોતનો આંકડો ચિંતાજનક

• મે મહિનાનો સૌથી ઘાતક મહિનો મનાઈ રહ્યો
•  માત્ર 21 દિવસમાં 70 લાખથી વધારે કેસ આવ્યા
• મોતના આંકડા પણ ડરાવના રહ્યા.

 માત્ર 21 દિવસમાં 70 લાખથી વધારે કેસ આવ્યા

કોરોના વાયરસ સંક્રમણના નવા કેસમાં ઘટાડો જોવા મળી રહ્યો છે. પરંતુ દેશમાં એવો સમય પણ આવ્યો જ્યારે રોજના 4 લાખથી વધારે કેસ નોંધાયા. એજ કારણ રહ્યુ કે મે મહિનાનો સૌથી ઘાતક મહિનો મનાઈ રહ્યો છે. માત્ર 21 દિવસમાં 70 લાખથી વધારે કેસ આવ્યા છે. મોતના આંકડા પણ ડરાવના રહ્યા.

શુક્રવારે મેમાં સંક્રમણનો આંકડો 70 લાખના આંકડાને પાર થઈ ગયો

ગત શુક્રવારે મેમાં સંક્રમણનો આંકડો 70 લાખના આંકડાને પાર થઈ ગયો છે. આ મહિનામાં અત્યાર સુધીમાં 71.3 લાખથી વધારે કેસ આવ્યા છે.  આ દરમિયાન 83 હજાર 135 લોકોએ કોરોનાના કારણે પોતાનો જીવ ગુમાવ્યો છે. ગત એપ્રિલમાં આ આંકડો 48 હજાર 768 પર હતો. આ દરમિયાન સંક્રમણના કુલ 69.4 લાખ મામલા નોંધાયા હતા ગત વર્ષથી શરુ થયેલી મહામારીમાં સંક્રમણના કુલ મામલા 27 ટકાથી વધારે ભાગ ફક્ત મેમાં મળ્યો.

પહેલી લહેરની સરખામણીએ સ્થિતિ બે ગણી ખરાબ

કહેવામાં આવી રહ્યુ છે કે ગત વર્ષ 7 સપ્ટેમ્બર મહિનામાં કોરોનાની પહેલી લહેર પીક પર હતી. એક અંગ્રેજી અખબારના આંકડા જણાવે છે કે આ દરમિયાન 26.2 લાખ જેટલા નવા મામલા આવ્યા હતા. જ્યારે મોતની સંખ્યા 33.3 હજાર પર હતી. ઓગસ્ટમાં 2020માં સંક્રમણના 19.9 લાખ નવા મામલા નોંધાયા હતા. જ્યારે મોતના આંકડા 28.9 હજારને પાર હતા.

દર રોજ લગભગ 4 હજાર દર્દીના મોત થાય છે

મેમાં અત્યાર સુધી દર રોજ લગભગ 4 હજાર દર્દીના મોત થાય છે. જો કે તેમાં જૂના મોતના આંકડા સામેલ છે. ગત 24 કલાકમાં દેશમાં 2 લાખ 57 હજાર 299 નવા દર્દી મળ્યા છે. આ દરમિયાન 4 હજાર 194 લોકોના કોરોનાને કારણે જીવ ગયા છે. સારા સમાચાર એ છે કે એક દિવસમાં 3 લાખ 57 હજાર 630 દર્દી સ્વસ્થ થયા છે.

એક્ટિવ કેસની સંખ્યા 29 લાખ 23 હજાર 400 

ભારતમાં કુલ કેસ 2 કરોડ 62 લાખ 89 હજાર 290 થઈ છે. મહામારીમાં અત્યાર સુધી 2 લાખ 95 હજાર 525 દર્દીના જીવ ગયા છે. દેશમાં હાલમાં એક્ટિવ કેસની સંખ્યા 29 લાખ 23 હજાર 400 છે. આ વર્ષે માર્ચની શરુઆત બાદ મામલામાં વધારો શરુ થઈ ગયો હતો. જાણકાર હજુ પણ ગ્રામીણ ભારતમાં કેસની સ્પીડને લઈને ચિંતાતૂર છે