ફરિયાદ / મારુતિએ જેટલી માઇલેજ બતાવી, એટલી કારમાં ના આવી, આ ભાઈએ કેસ કરી નાંખ્યો, 20 વર્ષ મળ્યા આટલા રૂપિયા

• મારુતિ સુઝુકી કંપની સામે એક ગ્રાહકે કર્યો કેસ
• કંપનીના જણાવ્યા પ્રમાણે માઈલેજ ન આપતા કર્યો કેસ
• કંપનીને રૂ.1 લાખનું વળતર ચૂકવવાનો આદેશ આપ્યો 

ઓટોમોબાઈલ કંપની મારુતિ સુઝુકીને તેના 20 વર્ષ જૂના ગ્રાહકને 1 લાખ રૂપિયાનો દંડ ભરવા માટે કહેવામાં આવ્યું છે. કંપની સામે ફરિયાદ દાખલ કરવામાં આવી હતી. ગ્રાહકનો આરોપ છે કે મારુતિએ કાર વેચવા માટે કરેલી જાહેરાતમાં ખોટા દાવા કર્યા છે. જ્યારે તપાસ કરવામાં આવી ત્યારે આક્ષેપો સાચા સાબિત થયા હતા. હવે કંપની વળતર ચૂકવશે.

ડિસ્ટ્રિક્ટ ફોરમે કંપનીને 1 લાખ રૂપિયાનું વળતર ચૂકવવાનો આદેશ આપ્યો

એક અહેવાલ મુજબ ફરિયાદ કરનારનું નામ રાજીવ શર્મા છે. રાજીવે 2004માં મારુતિ કંપનીની કાર ખરીદી હતી. જે જાહેરાતમાં કાર ખરીદી હતી તેમાં દાવો કરવામાં આવ્યો હતો કે કારની માઈલેજ 16-18 કિલોમીટર પ્રતિ લીટર છે. પરંતુ કાર ખરીદ્યા બાદ જાણવા મળ્યું કે કારની અસલી માઈલેજ ઘણી ઓછી છે. માત્ર 10.2 કિલોમીટર પ્રતિ લીટર. રાજીવ તેની ફરિયાદ લઈને જિલ્લા ગ્રાહક તકરાર નિવારણ ફોરમમાં પહોંચ્યા. વાહનની સંપૂર્ણ કિંમત વ્યાજ સહિત પરત કરવાની માંગણી કરી હતી. રિફંડ મળ્યું ન હતું પરંતુ ડિસ્ટ્રિક્ટ ફોરમે કંપનીને રાજીવને 1 લાખ રૂપિયાનું વળતર ચૂકવવાનો આદેશ આપ્યો હતો.

વધુ વાંચો : કાર ખરીદવી છે પણ કઈ? એક ક્લિકમાં જુઓ 10 લાખ રૂપિયા સુધીના બજેટની બેસ્ટ SUVનું લિસ્ટ

મારુતિ સુઝુકીએ સ્ટેટ કમિશનમાં અપીલ કરી

વળતર આપવાને બદલે મારુતિ સુઝુકીએ સ્ટેટ કમિશનમાં અપીલ કરી. જોકે, રાજ્ય પંચે પણ જિલ્લા ફોરમના આદેશને માન્ય રાખ્યો હતો. આ પછી મામલો NCDRC સુધી પહોંચ્યો. આ બાબત પર ડૉ. ઇન્દ્રજીત સિંહની આગેવાની હેઠળની NCDRC બેન્ચે કહ્યું, કોઈપણ કાર ખરીદનાર માઈલેજ વિશે માહિતી લે છે. તે વિવિધ વાહનોના માઇલેજની તુલના કરે છે. દાવા અને વાસ્તવિકતા વચ્ચેનો થોડો તફાવત સમજી શકાય છે, પરંતુ આંકડાઓમાં આટલો મોટો તફાવત કાર ખરીદનારને પીડિત/છેતરપિંડીનો અનુભવ કરાવે છે. અમે આ સંબંધમાં 20 ઓક્ટોબર 2004ની જાહેરાત ધ્યાનથી વાંચી છે અને અમે માનીએ છીએ કે તે એક ભ્રામક જાહેરાત છે. ઉત્પાદક અને ડીલર તરફથી આ અયોગ્ય વેપાર પ્રથા છે. આખરે, NCDRCએ અગાઉના નિર્ણયોને સમર્થન આપ્યું હતું અને કહ્યું હતું કે મારુતિ સુઝુકીની જાહેરાતમાં માઇલેજનો દાવો ભ્રામક હતો અને ગ્રાહક અધિકારોનું ઉલ્લંઘન હતું.