ન્યાયિક / 'આધાર કાર્ડ પર્સનલ, પત્ની પણ ન માગી શકે પતિની જાણકારી'- હાઈકોર્ટનો મહત્વનો ચુકાદો

• કર્ણાટક હાઈકોર્ટનો ચુકાદો
• પત્ની પતિ પાસેથી ન માગી શકે આધારની વિગતો
• આધાર કાર્ડને પર્સનલ ગણાવ્યું, પત્ની પણ ન માગી શકે વિગતો

કર્ણાટક હાઈકોર્ટે એક ચુકાદામાં એવું કહ્યું કે ફક્ત વિવાહિત હોવાના આધારે પત્ની એકલી પોતાના પતિનો આધાર ડેટા ન મેળવી શકે કારણ કાયદા પ્રમાણે આવું કરવું કોઈ શખ્સની પ્રાઈવેસીનું ઉલ્લંઘન છે અને આવા ઉલ્લંઘનની કોઈને પણ મંજૂરી નથી. જસ્ટીસ એસ સુનિલ દત્ત યાદવ અને જસ્ટીસ વિજય કુમારની ખંડપીઠે કહ્યું કે માત્ર લગ્ન કરવાથી આધારકાર્ડ ધારકની ગોપનીયતાના અધિકારને નુકસાન ન થઈ શકે તેના કાર્ડના ડેટાને એક્સેસ કરવા માટે નિર્ધારિત પ્રક્રિયાનું પણ પાલન કરવું જોઈએ.

શું હતો કેસ
કર્ણાટકના હુબલની એક મહિલાની અજી પર હાઈકોર્ટનો ચુકાદો આવ્યો હતો મહિલાએ તેનાથી અલગ રહેતા પતિનો આધાર નંબર અને નોંધણીની વિગતો અને ફોન નંબર માંગ્યા હતા.
મહિલાએ દલીલ કરી હતી કે તેના પતિની વિગતોના અભાવે, તેણીને તેની સામે ફેમિલી કોર્ટના ભરણપોષણના આદેશનો અમલ કરવામાં મુશ્કેલીઓનો સામનો કરવો પડી રહ્યો છે. જાણકારી અનુસાર આ કપલે વર્ષ 2005માં લગ્ન કર્યા હતા. આ લગ્નથી તેને એક દીકરી પણ છે. ભરણપોષણ માટે આધાર ન મળતાં મહિલાએ કાયદાનો સહારો લીધો હતો. ત્યારબાદ ફેમિલી કોર્ટે મહિલાના પતિને 10 હજાર રૂપિયા ભરણપોષણ અને દીકરી માટે વધારાના 000 હજાર રૂપિયા આપવાનો આદેશ કર્યો હતો. તેણે કોર્ટને માહિતી આપી હતી કે તેના પતિના અજાણ્યા ઠેકાણા અને તેના છટકી જવાથી ફેમિલી કોર્ટના આદેશને લાગુ કરવામાં પડકારો ઉભા થયા છે. આ કારણોસર મહિલાએ યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI)નો સંપર્ક કરી મદદ માંગી હતી. પરંતુ યુઆઈડીએઆઈએ 25 ફેબ્રુઆરી, 2021 ના રોજ તેની અરજી નામંજૂર કરી હતી. UIDAIએ આધાર એક્ટની કલમ 33 હેઠળ હાઇકોર્ટના જજના નિર્ણયને મહિલાએ પોતાના પતિના આધાર ડેટા જાહેર કરવાની ના પાડવા પાછળનું કારણ ગણાવ્યું હતું. આ પછી મહિલા કોર્ટની સિંગલ બેન્ચ પાસે પહોંચી હતી. 8 ફેબ્રુઆરી, 2023 ના રોજ, મહિલા માટે આ સિંગલ બેંચ તરફથી રાહતનો નિર્ણય આવ્યો હતો. આ પછી કર્ણાટક હાઈકોર્ટની ડિવિઝન બેન્ચે યુઆઈડીએઆઈને આદેશ આપ્યો હતો કે, તે તેના પતિને સાંભળ્યા બાદ ફરી આરટીઆઈ હેઠળ મહિલાની અરજી પર ફેરવિચારણા કરે.

સામા પક્ષને સાંભળ્યા વિના આધાર ડેટા એક્સેસ કરી શકાતો નથી
કર્ણાટક હાઈકોર્ટે ભારપૂર્વક જણાવ્યું છે કે, કલમ 33 હેઠળ, સામા પક્ષને સાંભળ્યા વિના આધાર ડેટા એક્સેસ કરી શકાતો નથી. કર્ણાટક હાઈકોર્ટે આ મામલાને નવી વિચારણા માટે સિંગલ બેંચને પાછો મોકલ્યો હતો.