- ઘરે બનાવો ભેળના ભજિયા
- તિરુપતિ સિંગતેલ વધારશે ભજિયાનો સ્વાદ
- અલગ અને સ્વાદિષ્ટ લાગશે આ ખાસ ભજિયા
આજ સુધી તમે અનેક પ્રકારના ભજિયા ખાધા હશે. જેમકે બટાકાના, ડુંગળીના, મરચાના, પોઈના પાનના, કે પછી સ્ટફ્ડ મરચાના ભજિયા. પરંતુ શું તમે ક્યારેય ભેળના ભજિયા ટ્રાય કર્યા છે. નહીં ને... તો આજે જ બનાવો આ ખાસ રેસિપીથી.
સામગ્રી
- એક વાટકી મમરા
- એક વાટકી સેવ
- એક વાટકી પુરીનો ભૂકો
- એક વાટકી બટાકા બાફીને સુધારેલા
- એક વાટકી ઝીણી સુધારેલી ડુંગળી
- અડધી વાટકી કાચી કેરી ઝીણી સુધારેલી
- એક વાટકી ટામેટા ઝીણા સુધારેલા
- અડધી વાટકી લસણની ચટણી
- અડધી વાટકી ગળી ચટણી
- એક વાટકી તીખી ચટણી
- અડધી વાટકી કોથમીર
- પા વાટકી ચાટ મસાલો
- એક વાટકી ચણાનો લોટ
- અડધી વાટકી ચોખાનો લોટ
- પા વાટકી મીઠું
- પા વાટકી લાલ મરચું
- પા વાટકી હળદર
- પા વાટકી સોડા
- પાણી જરૂર પ્રમાણે
- તિરુપતિ સિંગતેલ તળવા માટે
- એક પેકેટ વ્હાઈટ ચોરસ બ્રેડ
રીત
ભજિયા બનાવવા આ ચીજોને કરો ભેગી
ભેળના ભજિયા બનાવવા માટે સૌ પહેલાં તો એક મોટું વાસણ લો. અને તેમાં એક વાટકી મમરા, એક વાટકી સેવ, એક વાટકી પુરીનો ભૂકો, એક વાટકી બટાકા બાફીને સુધારેલા, એક વાટકી ઝીણી સુધારેલી ડુંગળી, અડધી વાટકી કાચી કેરી ઝીણી સુધારેલી, એક વાટકી ટામેટા ઝીણા સુધારેલા, અડધી વાટકી લસણની ચટણી, અડધી વાટકી ગળી ચટણી, એક વાટકી તીખી ચટણી, અડધી વાટકી કોથમીર, પા વાટકી ચાટ મસાલો આ બધું મિક્સ કરી લો. આ મિશ્રણમાંથી નાના બોલ્સ વાળી લો. આ પછી બ્રેડની સ્લાઈસ પર લસણની ચટણી લગાવી લો. હવે બીજા બ્રેડ પર તીખી ચટણી લગાવો. ભેળના બોલ બે બ્રેડની વચ્ચે મૂકીને બ્રેડથી કવર કરીને બોલ્સ વાળી લો.
આ રીતે બનાવો ભજિયા માટે ખીરું
એક અન્ય બાઉલમાં એક વાટકી ચણાનો લોટ, અડધી વાટકી ચોખાનો લોટ, પા વાટકી મીઠું, પા વાટકી લાલ મરચું, પા વાટકી હળદર, પા વાટકી સોડાને પાણી ઉમેરીને ખીરાનું બેટર બનાવો.
આ રીતે બનાવો ભજિયા
હવે જે બોલ્સ તૈયાર કર્યા છે તેને ખીરામાં સારી રીતે ડિપ કરો. અને પછી અન્ય તરફ તમે જે તિરુપતિ સિંગતેલ ગરમ મૂક્યું છે તેમાં તળી લો. મીડિયમ ગેસ રાખીને ભજિયાને ગોલ્ડન બ્રાઉન થાય ત્યાં સુધી તળો. તૈયાર છે તમારા ભેળના ભજિયા. તમે પણ માણી શકો છો તેની મજા.
