વકર્યો / મહેસાણામાં આ રોગે તો માઝા મૂકી, 70 ટકા લોકો પીડિત, ગર્ભવતી મહિલાઓ-બાળકો પણ ચપેટમાં

• મહેસાણા જિલ્લામાં સૌથી વધુ પાંડુરોગનું પ્રમાણ 
• 70 ટકા લોકો પાંડુરોગથી પીડિત 
• 6 થી 18 વર્ષની ઉંમરનાં બાળકોમાં પાંડુરોગ વધુ 

Mehsana News : મહેસાણા જિલ્લામાં પાંડુરોગનું પ્રમાણ રાજ્યમાં સૌથી ઊંચું હોવાનું સામે આવ્યું છે. હેલ્થ વિભાગના સર્વેમાં જિલ્લામાં 70 ટકા લોકો પાંડુરોગથી પીડિત છે. તો 6 થી 18 વર્ષના યુવા અને કિશોર વર્ગમાં પાંડુરોગનું પ્રમાણ 17 ટકાની આસપાસ જોવા મળ્યું છે. જિલ્લામાં 6થી 18 વર્ષનાં 26,808 બાળકોમાં કુપોષણ, પાંડુરોગ, વિટામીનની ઉણપ જોવા મળી રહી છે. તો 18 વર્ષ થી ઉંમર થી મોટી વયના લોકોમાં આ પ્રમાણ 70 ટકાની આસપાસ છે.

સૌથી વધુ મહિલાઓમાં જોવા મળી રહ્યો છે
ખાસ કરીને પુરુષોની તુલનામાં સ્ત્રીઓમાં આ પ્રમાણ વધુ નોંધાયું છે. લોહીની ઉણપની સ્થિતિ સૌથી વધુ મહિલાઓમાં જોવા મળી રહી છે. આ સ્થિતિના સર્જન પાછળ ક્યાં પરિબળ જવાબદાર છે તે જાણવા માટે આરોગ્ય વિભાગ દ્વારા એક સંશોધન હાથ ધરવામાં આવ્યું છે. રિપોર્ટ મુજબ  સગર્ભા મહિલા પૈકી  મહિલાઓમાં ઓછું હિમોગ્લોબીન નોંધાયું છે. ત્યારે આ વિષય હવે આરોગ્ય વિભાગ માટે પણ પડકાર જનક બની ગયો છે.

આરોગ્ય તપાસણી
રાષ્ટ્રીય બાલ સ્વાસ્થ્ય કાર્યક્રમ અંતર્ગત શાળાઓમાં ચકાસણી દરમિયાન બાળકોમાં પણ આ સ્થિતિ જોવા મળી છે. જિલ્લા આરોગ્ય વિભાગ દ્વારા એપ્રિલથી જુલાઈ ચાર મહિનામાં જિલ્લાની તમામ શાળાઓમાં કરાયેલી આરોગ્ય તપાસણી કાર્યક્રમમાં 0થી 6 વર્ષ સુધીનાં 92,648 બાળકોને તપાસવામાં આવ્યાં હતાં. જેમાં  6થી 18 વર્ષની ઉંમરના તપાસવામાં આવેલાં 82,374 બાળકો પૈકી 14,449 બાળકો માત્ર પાંડુરોગના મળી આવ્યાં છે.

આરોગ્ય વિભાગ માટે પણ પડકારજનક 
જિલ્લામાં લોહીની ઉણપની સ્થિતિ સૌથી વધુ મહિલાઓમાં જોવા મળી રહી છે. આ સ્થિતિના સર્જન પાછળ ક્યાં પરિબળ જવાબદાર છે તે જાણવા માટે આરોગ્ય વિભાગ દ્વારા એક સંશોધન પણ હાથ ધરવામાં આવ્યું છે. એક રિપોર્ટ મુજબ મહેસાણા જિલ્લામાં 10 સગર્ભા મહિલા પૈકી 5 મહિલાઓમાં 9 ટકા કરતા ઓછું હિમોગ્લોબીન નોંધાયું છે. ત્યારે આ વિષય હવે આરોગ્ય વિભાગ માટે પણ પડકાર જનક બની ગયો છે