મધ્યપ્રદેશ / Cute બાળકનું સ્મિત જોઈને રોકાઈ ન શક્યા PM મોદી, ખોળામાં લઈને કર્યું વ્હાલ, VIDEO વાયરલ

• મધ્યપ્રદેશમાં ચૂંટણીને લઈ PMનો પ્રચાર 
• PM મોદી નાના બાળકને રમાડ્યું
• PM મોદી બાળકને ખોળામાં લઈને કર્યું વ્હાલ

madhya pradesh elections : મધ્યપ્રદેશની ચૂંટણીના પ્રચાર માટે વડાપ્રધાન નરેન્દ્ર મોદીએ ગઈકાલે સિવની અને ખંડવામાં જાહેર સભાઓને સંબોધી હતી. ચૂંટણીના પ્રચારમાં વિપક્ષ પર આકરા પ્રહારો કર્યા હતા તેમજ વિપક્ષી નેતાઓની રાજકીય નિવેદનોની પ્રતિક્રિયા આપી હતી. પીએમ મોદીનો એક બાળક સાથેનો વીડિયો વાયરલ થઈ રહ્યો છે. આ વીડિયોમાં વડાપ્રધાન પોતાના ખોળામાં એક બાળકને વ્હાલ કરતા જોવા મળી રહ્યાં છે. એક નાનું બાળક પણ જ્યારે પીએમ મોદી સ્નેહ આપે છે ત્યારે હસતું જોવા મળે છે અને જ્યારે તેઓ તેમને ખવડાવે છે ત્યારે આનંદ લઈ હસી રહ્યો હોય છે. 

Sharing a very sweet moment from PM Modi ji's visit to Seoni, Madhya Pradesh today... pic.twitter.com/TbLJ8SzxCn

— Priti Gandhi - प्रीति गांधी (@MrsGandhi) November 5, 2023

બાળકને PM મોદીનો વ્હાલ
પીએમ મોદી ગઈકાલે સિવનીમાં જનસભાને સંબોધિત કરીને પરત ફરી રહ્યા હતા ત્યારે તેમણે ત્યાં એક સુંદર બાળક સાથે એક મહિલાને જોઈ હતી. આ વીડિયો સ્ટેજની પાછળનો છે જ્યારે પીએમ પોતાનો કાર્યક્રમ પૂરો કરીને પરત ફરી રહ્યા હતા. આ સમય દરમિયાન જીતેન રહેંગદલે તેના 10 મહિનાના બાળક અવિંદને ખોળામાં લઈને વ્હાલ કર્યો હતો. પીએમ મોદીની નજર બાળક પર પડતાની સાથે જ તેમણે બાળકીને સ્હેજ કરીને તેને ખોળામાં લઈ લીધો અને તેને રમાડ્યો હતો. આ બાળક સાથે વડાપ્રધાન નરેન્દ્ર મોદીનો વીડિયો સોશિયલ મીડિયા પર વાયરલ થઈ રહ્યો છે.
 
સિવની અને ખંડવામાં જાહેર સભા
ઉલ્લેખનીય છે કે, મધ્યપ્રદેશમાં 17 નવેમ્બરે યોજાનારી વિધાનસભા ચૂંટણીને લઈ વડાપ્રધાને ગઈકાલે સિવની અને ખંડવામાં જાહેર સભાઓને સંબોધી હતી. આ દરમિયાન વડાપ્રધાને કોંગ્રેસ પર આકરા પ્રહારો કર્યા હતા કે, કોંગ્રેસના બે વરિષ્ઠ નેતાઓ વચ્ચે તેમના પુત્રોને સ્થાપિત કરવા અને મધ્યપ્રદેશમાં પાર્ટી સંગઠન પર કબજો કરવા માટે આંતરિક ઝઘડો ચાલી રહ્યો છે. જો કે, આ આક્ષેપ નામ લીધા વિના કમલનાથ અને દિગ્વિજય સિંહ પર હતો. વડાપ્રધાને કહ્યું કે કોંગ્રેસ મધ્યપ્રદેશમાં સરકાર બનાવવા માટે ઉત્સુક છે અને લોકસભા ચૂંટણી માટે રાજ્યને નાણા લૂંટવા માટે તે એટીએમ બનાવવા માંગે છે. તેમણે કહ્યું કે ભાજપ સરકાર એક વિશેષ મિશન દ્વારા ભારિયા, બૈગા અને સહરિયા આદિવાસીઓના કલ્યાણ માટે રૂ.15,000 કરોડનો ખર્ચ કરશે. વધુમાં ઉમેર્યું કે,અમે તે આદિવાસીઓના ભક્ત અને પૂજારી છીએ જેમણે રાજકુમાર રામને પુરુષોત્તમ ભગવાન રામ બનાવ્યા છે