- ટ્રેનને ફરીથી દોડાવવા માટે લોકો પાયલટે ઉઠાવ્યું જોખમ
- ખતરનાક જગ્યા પર ઉભા રહી લોકો પાયલટે ઉભા રહી કર્યુ કામ
- વીડિયો જોઈને સોશિયલ મીડિયા યુઝર્સના રૂંવાડા ઉભા થયા
ટ્રેનની ચેન કારણ વગર ના ખેંચતા
હાલમાં એક એવો વીડિયો સોશિયલ મીડિયામાં સામે આવ્યો છે, જેને જોઇને સારામાં સારા માણસની હવા ટાઇટ થઇ ગઇ છે. ટ્રેન યાત્રા દરમ્યાન કોઈ પણ ઈમરજન્સીમાં પ્રવાસી ટ્રેનને રોકવા માટે સાંકળ ખેંચી શકે છે. જેના કારણે ટ્રેન રોકાઈ જાય છે અને પ્રવાસીઓ સુધી સહાયતા પહોંચાડવામાં આવે છે. અત્યારે આપણા દેશમાં એવા ઘણા અરાજક તત્વો હોય છે, જે અવાર-નવાર પોતાની મસ્તી માટે ટ્રેનની ચેન ખેંચતા હોય છે. જેનાથી વારંવાર ટ્રેન મોડી પહોંચે છે.
લોકો પાયલટે ટ્રેનની એલાર્મ ચેનને રિસેટ કરવા માટેનુ જોખમ ઉઠાવ્યું
હાલમાં એક વીડિયો સામે આવ્યો છે, જેમાં ચેન પુલિંગને કારણે નદી પર ઉભી રહેલી ટ્રેનને ફરીથી દોડાવવા માટે પહેલા ટ્રેનના એલાર્મને રીસેટ કરવા માટે એક લોકો પાયલટ આ કામ કરી રહ્યો છે. વીડિયો દેખાતી જગ્યા એટલી ખતરનાક છે કે કોઈ પણ આ જગ્યા પર ઉભા રહેવાની હિંમત કરી શકતુ નથી. વીડિયોને મધ્ય રેલવેના પબ્લિક રિલેશન ઑફિસરે શેર કર્યો છે. વીડિયો જોઈને સોશિયલ મીડિયાના યુઝર્સના રૂંવાડા ઉભા થયા છે. વીડિયોને શેર કર્યાની સાથે કેપ્શનમાં જણાવવામાં આવ્યું છે કે, સહાયક લોકો પાયલટ સતીશ કુમારે 11059 ગોદાન એક્સપ્રેસ ટ્રેનની એલાર્મ ચેનને રિસેટ કરવા માટેનુ જોખમ ઉઠાવ્યું છે. જે ટિટવાલા અને ખડાવલી સ્ટેશનોની વચ્ચે નદી પર બનેલા પુલ પર રોકાઈ હતી. આ સાથે પ્રવાસીઓને ટ્રેનની એલાર્મ ચેનને કારણ વગર ન ખેંચવાની અપીલ કરવામાં આવી છે.
