કામની વાત / બેંકની FDના બદલામાં લોન, જાણો કેટલી મળશે લોન અને કેટલું ચૂકવવું પડે વ્યાજ

લોકો જ્યારે આર્થિક સંકટમાં આવે છે ત્યારે વ્યાજથી પૈસા લેવાનું વિચારે છે, આ સિવાય કેટલાક કિસ્સામાં પ્રોપર્ટી ગીરવે મૂકવાની કે વેચવાનો ઉપાય પણ કરતા હોય છે. તો કેટલાક લોકો પોતાની FD પણ તોડી નાખતા હોય છે. આ લોકોને ખબર નથી હોતી કે પૈસા માટે FD તોડવાની જરૂર નથી, તે FDની અવેજમાં તેને લોન મળી શકે છે.

90 ટકા રકમ મળે છે વ્યાજે

જ્યારે પૈસાની જરૂર પડે તો પ્રી મેચ્યોર પીરીયડમાં FD તોડવાની જરૂર નથી. ફિક્સ્ડ ડિપોઝિટના બદલામાં એક સિક્યોર લોન મળે છે. જેમાં ગેરંટી સ્વરૂપે FD ગીરવે મૂકવાની હોય છે. FDના 90 ટકા રકમ લોન સ્વરૂપે મળી શકે છે. જો તમારી FD 10 લાખની હોય તો 9 લાખની લોન મળવાપાત્ર હોય છે.

વધુ વાંચો: IPOમાં દાવ લગાવનારા રૂપિયા તૈયાર રાખજો, આવતા અઠવાડિયે 4 કંપનીના આઈપીઓમાં કમાણીની તક

આટલું ચૂકવવું પડે છે વ્યાજ

ઉલ્લેખનીય છે કે, FDની લોન પર કોઈ પ્રોસેસિંગ ફી નથી લાગતી. આ લોનની ભરપાઈ તમે હપ્તાથી કે એક સાથે પણ કરી શકો છો. જો તમે લોનની ભરપાઈ ન કરી શકો તો ગીરવે મુકેલી FD મારફતે તેની વસૂલી કરવામાં આવે છે. આ લોન લેવા માટે FD પર મળનાર વ્યાજ કરતા 1-2 ટકા વ્યાજ વધુ ચૂકવવાનું થાય છે. મતલબ કે તમને FD પર 5 ટકા વ્યાજ મળે છે તો તેની લોન 7 ટકાના વ્યાજદરે મળશે.