તપાસ / સુરેન્દ્રનગરમાં વિદ્યાર્થીઓની સ્કૂલબેગમાં દારૂની હેરાફેરી, લોકોએ જનતા રેડ કરી ઝડપ્યો દારૂ

ગુજરાતમાં દારૂબંધી હોવા છતાં ગેરકાયદેસર દારૂના વેપારના ચોંકાવનારા કિસ્સાઓ સતત સામે આવી રહ્યા છે. સુરેન્દ્રનગર જિલ્લાના સરા ગામમાંથી એવો ખુલાસો થયો છે કે બુટલેગરો દારૂના વેચાણ અને સપ્લાય માટે હવે વિદ્યાર્થીઓનો ઉપયોગ કરી રહ્યા છે. આ ઘટનાએ સમગ્ર વિસ્તારમાં ખળભળાટ મચાવી દીધો છે.

સ્કૂલ બેગમાંથી દારૂ મળી આવ્યો

મળતી માહિતી મુજબ, સરા ગામના સ્થાનિક લોકોએ શંકાના આધારે કેટલાક વિદ્યાર્થીઓની સ્કૂલબેગ તપાસી હતી. તપાસ દરમિયાન બેગમાંથી દારૂની બોટલો મળી આવતા લોકો આશ્ચર્યચકિત થઈ ગયા હતા. ગામજનોએ તરત જ જનતારેડ કરી દારૂ ઝડપી લીધો અને આ ગેરકાયદેસર પ્રવૃત્તિનો ખુલાસો કર્યો.

ગ્રામજનો દ્વારા આક્ષેપ કર્યા

ગ્રામજનો દ્વારા આક્ષેપ કરવામાં આવ્યો છે કે મૂળી તાલુકાના સરા ગામે ખુલ્લેઆમ દારૂના વેચાણને લઈને કેટલાક યુવાનો એકઠા થયા હતા. યુવાનોએ સ્કૂલે જતા વિદ્યાર્થીઓને અટકાવ્યા હતા અને તેમની સ્કૂલ બેગની તપાસ કરતા બેગમાંથી પુસ્તકોની જગ્યાએ દારૂ મળી આવ્યો હતો. જેથી રોષે ભરાયેલા ગ્રામજનોએ પોલીસ ચોકીએ પહોંચ્યા હતા.

આ પણ વાંચોઃ શૈલેષ ભટ્ટના ભત્રીજા સહિત પૂર્વ MLA નલિન કોટડિયાના સબંધીની ધરપકડ, થઇ શકે મોટા ખુલાસા

સળગતા સવાલ

• થોડા પૈસા માટે બાળકોને કેમ બનાવાય છે હાથો?
• ગ્રામજનો સુધી વાત પહોંચી તો પોલીસ સુધી કેમ નહીં?
• પોલીસ ઊંઘી રહી છે કે આંખ આડા કાન કરે છે?
• શું પોલીસ બુટલેગરો પાસેથી હપ્તો ઉઘરાવે છે?
• બાળકોનું ભવિષ્ય બરબાદ કરવાનો પ્રયાસ કરનાર સામે કાર્યવાહી ક્યારે?

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ