હેલ્થ / આસપાસ બીમારીને ભટકવા પણ નહીં દે..,રોજ ખાઓ આ એનર્જીક વસ્તુ, એક નાનકડા દાણામાં છે ગજબની તાકાત

• પલાળેલી મગફળી પણ છે બદામ, કિસમિસની માફક તાકાતવર
• અનેક રોગને રાખે છે દુર
• મગફળીના ફાયદા જાણીને તમે પણ ખાવા લાગશો

ઘણા લોકો સવારની શુભ શરૂઆત પલાળેલી બદામ, કિસમિસ અથવા અંજીર સહિતની વસ્તુઓનો સેવન કરીને કરતા હોય છે. પરંતુ આ તમામ વસ્તુઓ જેટલી જ પલાળેલી મગફળી પણ તાકાતવર છે અને તે પોષક ગુણોથી ભરપૂર છે. તેને યોગ્ય માત્રામાં ખાવામાં આવે તો તે ખૂબ જ ફાયદા કરે છે. તો આવો જાણીએ તેમના ફાયદા અંગે વિસ્તારથી!

હાર્ટ એટેકનો ખતરો ઓછો થઈ જાય છે

પલાળેલી મગફળીમાં ફાઇબર ભરપૂર માત્રામાં હોવાથી પાચનક્રિયા સુધારે છે. આ ઉપરાંત મગફળીને પલાળીને રાખવાથી તેની છાલ પણ પાણીને સારી રીતે શોષી લે છે. જે યોગ્ય રીતે રક્ત પ્રવાહ જાળવવામાં મદદરૂપ કરે છે. આ છાલના કારણે હાર્ટ એટેકનો ખતરો ઓછો થઈ જતો હોવાનો દાવો કરવામાં આવે છે. તો શરીરનો મોટાબોલીક રેટ પણ ખૂબ સારો રહે છે.

રતાંધળાપણું હોય તેમને પલાળેલી મગફળી ખાવી જોઈએ

વધુમાં પલાળેલી મગફળી કમરના દુખાવાથી પીડાતા લોકો માટે આશીર્વાદરૂપ ગણાય છે. આવા લોકોએ ગોળ સાથે પલાળેલી મગફળી ખાવી જોઈએ. જેનાથી આખો દિવસ બેસી રહેવા છતાં પણ કમરના દુખાવા માટે રાહત મળી શકે છે.આ ઉપરાંત ભીની મગફળી યાદશક્તિમાં પણ વધારો કરે છે. જે લોકોની દ્રષ્ટિ નબળી હોય અને રતાંધળાપણું હોય તેમને પલાળેલી મગફળી ખાવી જોઈએ.

ખાલી પેટે ખાવાથી એસિડિટીમાં રાહત મળે છે
આ ઉપરાંત તણાવમાં રહેતા લોકોએ પણ મગફળીનું સેવન કરવું જોઈએ જેનાથી યાદશક્તિ અને દ્રષ્ટિ બંને મજબૂત બને છે. તેમજ મગફળીના સેવનને લઈ ઉધરસ સહિતનું ઇન્ફેક્શન પણ ઝડપથી મટી શકે છે. તો રોગપ્રતિકારક શક્તિ વધતી હોવાનો પણ દાવો કરવામાં આવે છે. આ ઉપરાંત ગેસ એસીડીટી જેવી સમસ્યા ભોગવતા લોકોએ પણ પલાળેલી મગફળી ખાવી જોઈએ. જેમાં મેંગેનીઝ, કોપર, પોટેશિયમ, આર્યન કેલ્શિયમ અને સેલેનિયમની માત્ર ભરપૂર હોવાથી ખાલી પેટે ખાવાથી એસિડિટીમાં રાહત મળે છે.