નોકરીની તક / ધો.10 પાસ ઉમેદવારો થઈ જાઓ તૈયાર! રેલવેમાં 9900 જગ્યા પર બમ્પર ભરતી, જાણો વિગતો

રેલવેમાં નોકરી કરવાના સપના જોવા માંગતા યુવાનો માટે ખૂબ જ આનંદદાયક સમાચાર છે. રેલવે ભરતી બોર્ડ (RRB) એ અસીસ્ટન્ટ લૉકો પાયલટ (ALP)ના પદો માટે મોટા પાયે ભરતી કરવાની તૈયારી કરી લીધી છે. આ અંગે શોર્ટ નોટિફિકેશન બહાર પાડવામાં આવ્યું છે. આ વખતે કુલ 9900 પદો પર ભરતી થશે, જેનાથી હજારો યુવાનોને એક સોનેરી તક મળવાની છે.

રેલવે બોર્ડે જણાવ્યું છે કે ટૂંક સમયમાં વિગતવાર નોટિફિકેશન પણ RRBની અધિકૃત વેબસાઈટ્સ પર મૂકવામાં આવશે. આ ભરતીમાં તે ઉમેદવારોને પણ મોકો મળશે જેમણે કોઈ કારણસર 2024ની ALP ભરતીમાં ભાગ ન લીધો હોય અથવા CBT-1 પાસ ન કરી શક્યા હોય.

પાત્રતા

• રેલવે દ્વારા અગાઉ જાહેર કરાયેલ ALP પદ માટે પાત્રતા હતી:
• 10 પાસ + ITI અથવા 10પાસ + સંબંધિત ટ્રેડમાં 3 વર્ષનું ડિપ્લોમા.
• ઉંમર મર્યાદા: 18 થી 30 વર્ષ (અનામત વર્ગ માટે છૂટછાટ)
• આ વખતે પણ એવી જ અપેક્ષા છે કે પાત્રતા પહેલાં જેવી જ રહેશે, જો કે હજુ સુધી રેલવે તરફથી આ અંગે કોઈ અધિકૃત પુષ્ટિ કરવામાં આવી નથી.

પરીક્ષા પદ્ધતિ

• પ્રથમ તબક્કો CBT (કમ્પ્યુટર આધારિત પરીક્ષા – 75 પ્રશ્નો, 1 કલાક)
• બીજો તબક્કો CBT
• ભાગ A: 100 પ્રશ્નો / 90 મિનિટ
• ભાગ B: 75 પ્રશ્નો / 60 મિનિટ
• કમ્પ્યુટર આધારિત એપ્ટિટ્યુડ ટેસ્ટ
• દસ્તાવેજોની તપાસ (Document Verification)
• નેગેટિવ માર્કિંગ: પ્રથમ અને બીજા તબક્કાની પરીક્ષામાં 1/3 ગુણની કપાત રહેશે. એપ્ટિટ્યુડ ટેસ્ટમાં કોઈ નેગેટિવ માર્કિંગ નહીં હોય.

અરજી ફી

• સામાન્ય/OBC: રૂપિયા 500 (CBT-1માં ભાગ લેનારને રૂપિયા 400 પરત મળશે)
• SC/ST/મહિલા/દિવ્યાંગ/EBC: રૂપિયા 250 (CBT-1માં ભાગ લેનારને સમગ્ર રૂપિયા 250 પરત મળશે)

અરજી ક્યાં કરવી?

• www.rrbcdg.gov.in
• www.indianrailways.gov.in

આ છે જરૂરી તારીખો

• અરજી શરૂ થવાની તારીખ: 10 એપ્રિલ 2025
• અંતિમ તારીખ: 9 મે 2025

વધુ વાંચો: આ તારીખથી શરૂ થશે કટરા વંદે ભારતનું બુકિંગ, જાણો સંપૂર્ણ વિગતો

રેલવે બોર્ડે પોતાના કેલેન્ડરમાં પહેલેથી જ જાહેરાત કરી છે કે દરેક વર્ષે જાન્યુઆરીથી માર્ચ વચ્ચે નવી ALP ભરતી બહાર પાડવામાં આવશે. તેથી આ ભરતી બોર્ડની યોજના પ્રમાણે સમયસર આવી રહી છે. યુવાનોને સલાહ આપવામાં આવે છે કે તેઓ સમય રહેતા અરજી કરે અને અધિકૃત નોટિફિકેશનની રાહ જોવે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ