છેલ્લા શબ્દો.. / 'હું વ્યસ્ત છું કરી કોલ કાપ્યો.. સાંજે શહીદ થયા' કર્નલના પરિવારે જણાવી રડાવી મૂકે તેવી કહાની, 2 બાળકોએ પિતાની છત્રછાયા ગુમાવી

• અનંતનાગમાં આતંકીઓ સાથેની લડતમાં 3 ભારતીય જવાનો શહીદ
• કર્નલ મનપ્રીત સિંહે હુમલા પહેલા જ પરિવાર સાથે કરી હતી વાત
• 4 મહિનામાં કાર્યકાળ સમાપ્ત થવાનો હતો પરંતુ દેશ માટે શહાદત લીધી

જમ્મૂ-કાશ્મીરનાં અનંતનાગમાં આતંકીઓ સાથે થયેલ એન્કાઉટરમાં ભારતે 3 જવાનો ગુમાવ્યાં છે. સર્ચ ઓપરેશન દરમિયાન આતંકીઓએ તેમના પર ફાયરિંગ કરી દીધી. જેના કારણે કર્નલ મનપ્રીત સિંહ, મેજર આશીષ અને DSP હુમાયૂ ભટ શહીદ થઈ ગયાં. 

સવારે જ પરિવારજનો સાથે વાત કરી હતી
આતંકી હુમલામાં શહીદ થયેલ કર્નલ મનપ્રીત સિંહ એ બટાલિયનનું નેતૃત્વ કરી રહ્યાં હતાં જેણે બુધવારે સવારે અનંતનાગમાં ઓપરેશન ફરી શરૂ કર્યું હતું. ગોળીબારીમાં તેઓ ગંભીરરીતે ઘાયલ થયાં હતાં અને પછી મૃત્યુ પામ્યાં. આ ઓપરેશન પહેલા કર્નલ મનપ્રીતે સવારે 6.45 વાગ્યે પોતાના પરિવારનાં સદસ્યોની સાથે વાતચીત કરી હતી અને કહ્યું હતું કે અત્યારે બિઝી છું સાંજે વાત કરીશ.  

ટૂંક જ સમયમાં રજા પર આવવાની વાત કરી હતી
જાણકારી અનુસાર કર્નલ મનપ્રીતે 17 વર્ષની સેવા પૂરી કરી લીધી હતી. તેઓ 41 વર્ષનાં હતાં. કર્નલ મનપ્રીત સિંહ મોહાલી જિલ્લાનાં ભડોંજિયા ગામનાં રહેવાસી હતાં. તેમની 68 વર્ષીય માતા મંજીત કૌર તેમના નાના દીકરા સંદીપ સિંહ સાથે રહેતી હતી. તેમને આજે સવારે 5.30એ કર્નલ મનપ્રીતનાં શહાદતની જાણકારી આપવામાં આવી હતી. કર્નલ મનપ્રીતે 2 દિવસ પહેલાં પોતાના નાના ભાઈને કહ્યું હતું કે તેઓ ટૂંક જ સમયમાં રજા પર આવશે. 

સેના પદકથી સમ્માનિત હતાં મનપ્રીત સિંહ
જમ્મૂ-કાશ્મીરમાં આતંકવાદીઓનાં એન્કાઉન્ટર કરવા બદલ કર્નલ મનપ્રીતને વીરતા માટે 2021માં સેના પદકથી સમ્માનિત કરવામાં આવ્યાં હતાં. કર્નલ મનપ્રીત સિંહે કુલ 17 વર્ષની સેવામાં 5 વર્ષ સુધી રાષ્ટ્રીય રાયફલ્સ બટાલિયનની સાથે સેકન્ડ ઈન કમાન્ડ અને પછી કમાંડિંગ ઓફિસરનાં રૂપમાં ફરજ બજાવી હતી. તેઓ આવનારા 4 મહિનાઓમાં રાષ્ટ્રીય રાઈફલ્સની સાથે પોતાનો કાર્યકાળ પૂર્ણ કરવાનાં હતાં.

2 બાળકોનાં પિતા હતાં
શહીદ કર્નલ મનપ્રીતે 2003માં લેફ્ટેનેંટ કર્નલ અને 2005માં કર્નલનાં રૂપમાં પદોન્નત કર્યું હતું. તેમના પરિવારમાં તેમની પત્ની જગમીત ગ્રેવાલ, મા અને 2 બાળકો છે. તેમાં એક બાળક 6 વર્ષનો અને 2 વર્ષની દીકરી શામેલ છે.શહીદ કર્નલ મનપ્રીતે 2003માં લેફ્ટેનેંટ કર્નલ અને 2005માં કર્નલનાં રૂપમાં પદોન્નત કર્યું હતું. તેમના પરિવારમાં તેમની પત્ની જગમીત ગ્રેવાલ, મા અને 2 બાળકો છે. તેમાં એક બાળક 6 વર્ષનો અને 2 વર્ષની દીકરી શામેલ છે.