ટિપ્સ / રસોડાની આ ચીજોથી વધારી લો તમારા હોઠની સુંદરતા, નહીં કરવો પડે એક્સ્ટ્રા ખર્ચ

આ કારણોસર હોઠ થાય છે કાળા

તડકામાં વધારે સમય રહેવાથી હોઠમાં કાળાશ આવી જાય છે. આ સાથે હાઈડ્રેશનની ઊણપ, સ્મોકિંગની આદત, ટૂથપેસ્ટ, લિપસ્ટિક કે લિપ બામ જવાબદાર હોઈ શકે છે. કેફીનનું વધારે પડતું સેવન પણ તમારા હોઠ કાળા કરી શકે છે. આ સિવાય જો કોઈને કીમોથેરાપીની ટ્રીટમેન્ટ ચાલી રહી છે તો પણ તેના હોઠ કાળા થઈ જાય છે. શરીરમાં લોહીની ઊણપ અને જરૂરી વિટામિન્સની ખામી તેમજ કેટલીક દવાઓનું રેગ્યુલર સેવન કરવાના કારણે હોઠ કાળા થઈ જાય છે. 

આ રીતે મેળવી લો ગુલાબી હોઠ

જો તમે એકપણ રૂપિયાના એકસ્ટ્રા ખર્ચ વિના ગુલાબી હોઠ મેળવવા ઈચ્છો છો તો તમે તમારા રસોડાની કેટલીક ચીજોનો આ રીતે ઉપયોગ કરી શકો છો. 

લીંબુ
સાઈટ્રિસ એસિડથી ભરપૂર ચીજોની છાલ મેલાનિન ઓછું કરવાનું કામ કરે છે. મેલાનિન જ કાળાશનું કારણ માનવામાં આવે છે. રોજ રાતે સૂતા પહેલાં એક લીંબુ કાપીને તેનો રસ કાઢો. પછી તેની છાલથી હોઠ પર હળવા હાથે મસાજ કરો. સવારે હોઠને સાદા પાણીથી ધોઈ લો. પ્રોસેસમાં લગભગ 1 મહિના જેવો સમય લાગશે. પણ તમને સારું રીઝલ્ટ મળશે.

મલાઈ અને બીટ
એક ટેબલસ્પૂન બીટના રસની સાથે એક ટીસ્પૂન મલાઈ મિક્સ કરો. આ પેસ્ટની મદદથી હોઠની માલિશ કરો. ત્યારબાદ તેને 10 મિનિટ માટે એમ જ રહેવા દો. ત્યારબાદ સાદા પાણીથી ધોઈ લો. રોજ રાતે આ કામ કરો. થોડા દિવસમાં જ તમને ફરક દેખાશે. 

એલોવેરા જેલ
એલોવેરા જેલને હોઠ પર લગાવી લો. જેલ સૂકાઈ જાય ત્યારે તેને હૂંફાળા પાણીથી ધોઈ લો. તમે ઈચ્છો તો આ પ્રયોગમાં તાજી એલોવેરાના લીફનો પણ ઉપયોગ કરી શકો છો. તે મેલાનિનનું સ્તર ઘટાડે છે. 

હળદર
અડધી ચમચી હળદરમાં દૂધ મિક્સ કરો અને તેની ઘટ્ટ પેસ્ટ બનાવી લો. આ પેસ્ટને પેકની જેમ હોઠ પર લગાવી લો. લગભગ 10 મિનિટ બાદ પાણીથી તેને ધોઈ લો. હવે હોઠ પર મોશ્ચરાઈઝેશન લગાવી લો.