ઉત્તરાખંડ / 'ખરેખર, હ્રદયને સ્પર્શનાર એક્શન છે', સુપ્રીમ કોર્ટના આ નિર્ણય પર કિરણ રિજિજૂ મૂડમાં આવી ગયા

• કેન્દ્રીય કાયદાપ્રધાન કિરણ રિજિજુ સુપ્રીમ કોર્ટના એક નિર્ણયને લઈ ખુશ 
• સુપ્રીમ કોર્ટે ખેંચથી પીડાતા એક ઉમેદવારને સહાયક લેખકથી પરીક્ષાની મંજૂરી આપી
• કિરણ રિજિજુએ ટ્વીટ કર્યું કે, CJI DY ચંદ્રચુડ દ્વારા આ હ્રદયને સ્પર્શનાર એક્શન 

કેન્દ્રીય કાયદા પ્રધાન કિરણ રિજિજુ હાલમાં સુપ્રીમ કોર્ટના એક નિર્ણયને લઈ ખુશ જોવા મળી રહ્યા છે. વાત જાણે એમ છે કે, સુપ્રીમ કોર્ટે ઉત્તરાખંડ ન્યાયિક સેવાના ખેંચથી પીડાતા એક ઉમેદવારને સહાયકથી પરીક્ષા લખવાની મંજૂરી આપી છે. જેને લઈ આ નિર્ણયની પ્રશંસા કરી કોર્ટના નિર્ણયને આવકારતા કાયદા મંત્રીએ તેને હૃદય સ્પર્શી ગણાવ્યો હતો.

કિરણ રિજિજુએ ટ્વીટ કર્યું કે, CJI DY ચંદ્રચુડ દ્વારા આ હૃદય સ્પર્શી ક્રિયા છે. ઉત્તરાખંડમાં ન્યાયિક સેવા પરીક્ષા માટે આસિસ્ટન્ટની માંગ કરી રહેલા દિવ્યાંગ ઉમેદવારને મોટી રાહત મળી છે. તેમણે વધુમાં જણાવ્યું હતું કે, લાયક વ્યક્તિને સમયસર ન્યાય મળવો એ ખૂબ જ સંતોષકારક છે.

This is such a heart warming action by hon'ble Chief Justice Dr DY Chandrachud. A great relief to a Divyang candidate who sought a scribe for the Judicial Service exam in Uttarakhand. AIIMS had certified his disability. Timely Justice to a deserving person is very satisfying. pic.twitter.com/V5ampXxtkD

— Kiren Rijiju (@KirenRijiju) April 30, 2023

શું હતો સમગ્ર મામલો ? 
ધનંજય નામના ઉમેદવારે ઉત્તરાખંડમાં સિવિલ જજ માટેની પ્રારંભિક પરીક્ષામાં હાજર રહેવા માટે સહાયકની માંગણી કરી હતી, પરંતુ ઉત્તરાખંડ પબ્લિક સર્વિસ કમિશને 20 એપ્રિલે તેની માંગને ફગાવી દીધી હતી. આ પછી ઉમેદવારે સુપ્રીમ કોર્ટમાં અરજી કરી અને કહ્યું કે તે લેખકની ખેંચથી પીડિત છે, આ સ્થિતિમાં તેને સહાયક બનાવવાની મંજૂરી આપવી જોઈએ.

સુપ્રીમ કોર્ટે પરીક્ષા પહેલાં જ આદેશ કર્યો
આ તરફ ઉમેદવારની અરજીની સુનાવણીમાં વિલંબ કર્યા વિના સુપ્રીમ કોર્ટે પરીક્ષા પહેલાં જ આદેશ જાહેર કર્યો છે. સુપ્રીમ કોર્ટે પરીક્ષા પહેલાં જ વચગાળાનો આદેશ પસાર કર્યો અને ઉમેદવારને સહાયક પ્રદાન કરવાનો નિર્દેશ આપ્યો. કારણ કે આ પરીક્ષા 30મી એપ્રિલે યોજાવાની હતી. આ સાથે સુપ્રીમ કોર્ટે ઉત્તરાખંડ પબ્લિક સર્વિસ કમિશનને પણ સવાલ કર્યો હતો કે, તેણે ઉમેદવારની અરજી કેમ ફગાવી દીધી?

શું છે રાઈટર્સ ક્રેમ્પ રોગ ? 
રાઈટર્સ ક્રેમ્પ એક એવો રોગ છે જેમાં લખતી વખતે હાથના સ્નાયુઓમાં ખેંચાણ થવા લાગે છે. જેના કારણે લખવું મુશ્કેલ બની જાય છે. સરળ શબ્દોમાં કહીએ તો આ રોગને કારણે લખતી વખતે હાથમાં જકડાઈ જાય છે. ધનંજયને AIIMS દ્વારા આ સંબંધમાં પ્રમાણપત્ર પણ આપવામાં આવ્યું હતું.