ખેડા / કર્મચારીને આપી તાલીબાની સજા, યુવકને ઢોર માર મારવાના વાયરલ વીડિયો અંગે મોટો ખુલાસો

એક યુવકને તાલીબાની સજા આપતાનો વીડિયો ખૂબ જ વાયરલ થઈ રહ્યો છે. જે વીડિયોને લઈ ગતરોજ સુધી એવી વિગતો વાયરલ હતી કે, અમદાવાદના અસલાલી વિસ્તારનો છે. જો કે, આ અંગે VTVએ તપાસ હાથ ધરતા જાણવા મળ્યું કે, તે ખેડાના કનેરા ગામનો વીડિયો છે. જેમાં વીડિયોમાં જોઈ શકાય છે કે, એક યુવકના કપડા નીકાળીને અન્ય યુવક તેને પટ્ટા વડે ઢોર માર મારે છે.

વીડિયો ખેડાનો હોવાનો ખુલાસો

ખેડામાં પટ્ટાથી એક વ્યક્તિને બીજો વ્યક્તિએ ઢોર માર મારતો હોય તેવો વીડિયો છે. જો કે, પહેલા એવી વિગતો વાયરલ થઈ હતી કે, વાયરલ થયેલો વીડિયો અમદાવાદના અસલાલીનો છે. જો કે, આ અંગે VTVએ તપાસ કરતા વીડિયો ખેડાના કનેરા ગામનો હોવાનું સામે આવ્યું છે. પાપ્ત વિગતો ફરજ પરથી છુટા થયેલા કર્મચારીને તાલીબાની સજા આપનાર માલિકની ખેડા પોલીસે અટકાયત કરી છે.

આ પણ વાંચો: ગુજરાતમાં ઠંડીને લઈને હવામાન વિભાગની આગાહી, જાણો ક્યારે પડશે હાડ થીજાવતી ઠંડી

પોલીસે કાર્યવાહી હાથધરી

ખેડાના કનેરા ગામે 10 ઓક્ટોબરના રોજ છુટા થયેલા કર્મચારી પર વ્હિકલ ચોરી કર્યાની શંકા રાખી માલિકે ઢોર માર માર્યો હતો. નરેશ શ્યામલાલ નામના કર્મચારીને કપડા કાઢીને માલિક બળવંતસિંહએ સરા જાહેરમાં પટ્ટા વડે ઢોર માર માર્યો હતો. વાયરલ વીડિયોને આધારે ખેડા પોલીસે કાર્યવાહી કરી છે. જેના પગલે બળવંતસિંહ રાજપૂત નામના શખ્સની પોલીસે અટકાયત કરી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ