તમારા કામનું / આધાર કાર્ડ ખોવાઈ જાય તો ચિંતા ન કરો! દુરુપયોગ થતા પહેલા જ કરો લોક, જાણો સરળ પ્રોસેસ

આજના સમયમાં, આધાર કાર્ડ તમારા ઓળખપત્રની સાથે સૌથી મહત્વપૂર્ણ દસ્તાવેજ બની ગયું છે. સિમ કાર્ડ ખરીદવાથી લઈને બેંક ખાતું ખોલાવવા, શાળા-કોલેજમાં પ્રવેશ લેવા અને વ્યવસાય માટે આધાર કાર્ડ જરૂરી છે. આ ૧૨ અંકના કાર્ડમાં તમારો બધો બાયોમેટ્રિક ડેટા, નામ, સરનામું, જન્મ તારીખ વગેરે શામેલ છે. આ કાર્ડ દ્વારા સરકારી સુવિધાઓ પણ મેળવી શકાય છે.

હવે તમારું બેંક ખાતું અને પાન નંબર પણ આધાર કાર્ડ સાથે લિંક થઈ ગયા છે. આવી સ્થિતિમાં આધાર કાર્ડના દુરુપયોગના કિસ્સાઓ પણ પ્રકાશમાં આવવા લાગ્યા છે. આવી સ્થિતિમાં, એ ઓળખવું મહત્વપૂર્ણ છે કે શું કોઈ બીજું તમારા આધારનો ઉપયોગ કરી રહ્યું છે? તમે તમારા આધારને કેવી રીતે લોક રાખી શકો છો

આધાર કાર્ડનો ઉપયોગ ક્યાં થઇ રહ્યો છે તે કઇ રીતે જાણવું ?
- UIDAI ની સત્તાવાર વેબસાઇટ uidai.gov.in પર જાઓ.
-માય આધારના વિકલ્પ પર જાઓ અને આધાર ઓથેન્ટિકેશન હિસ્ટ્રી પર ક્લિક કરો.
- ક્લિક કરતાની સાથે જ એક નવી વિન્ડો ખુલશે. અહીં તમારો આધાર નંબર અને કેપ્ચા કોડ દાખલ કરો.
-પછી તમારા રજિસ્ટર્ડ મોબાઇલ નંબર પર મળેલો OTP દાખલ કરો.
- OTP સબમિટ થતાંની સાથે જ તમારો આધાર ઇતિહાસ જાહેર થઈ જશે.

આધાર કાર્ડ કેવી રીતે સુરક્ષિત રાખવું?
આધાર કાર્ડનો દુરુપયોગ ટાળવા માટે, તમે તેને લોક કરી શકો છો. UIDAI તમને આધાર નંબર લોક અને અનલોક કરવાની સુવિધા આપે છે. આની મદદથી તમે તમારા આધારના પહેલા 8 અંક છુપાવી શકો છો. જ્યારે આધારની જરૂર ન હોય, ત્યારે તેને લોક રાખો જેથી કોઈ તેનો દુરુપયોગ ન કરી શકે.

આ પણ વાંચોઃ ભારત અહીં આવેલું છે પહેલું ખાનગી રેલ્વે સ્ટેશન? સુવિધા એવી કે એરપોર્ટ જેવો થાય અનુભવ

લોકીંગ પદ્ધતિ શું છે?
-UIDAI ની સત્તાવાર વેબસાઇટ uidai.gov.in પર જાઓ.
-માય આધારના વિકલ્પ પર જાઓ અને લોક/અનલોક પર ક્લિક કરો.
-VID નંબર, પૂરું નામ, પિન કોડ અને કેપ્ચા દાખલ કરો.
-ત્યારબાદ તમને તમારા રજિસ્ટર્ડ મોબાઇલ નંબર પર OTP મળશે.
- OTP સબમિટ કરતાની સાથે જ તમારું આધાર લોક થઈ જશે.

શું SMS દ્વારા પણ લોક કરવાનો વિકલ્પ છે?
-તમે તમારા મોબાઈલ નંબર પરથી મેસેજ મોકલીને પણ આધાર લોક કરી શકો છો.
-આ માટે, તમારા રજિસ્ટર્ડ નંબર પરથી 1947 પર GETOTP લખીને SMS મોકલો.
-મોબાઇલ નંબર પર એક OTP આવશે.
- ફરીથી ૧૯૪૭ પર ‘LOCKUID આધાર નંબર’ OTP મોકલો.
-તમારું આધાર થોડીક સેકન્ડમાં લોક થઈ જશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ