ધર્મ / Karwa Chauth 2023: આજે કરવા ચોથના દિવસે અપનાવો આ 5 ઉપાય,વધી જશે પતિ-પત્ની વચ્ચેનો પ્રેમ

• આવી રહ્યું છે કરવા ચોથનું વ્રત 
• પતિની લાંબી ઉંમર માટે પત્ની કરે છે વ્રત
• માતા ગૌરીની કરવામાં આવે છે પૂજા 

કરવા ચોથ પર મહિલાઓ પોતાના પતિની લાંબી ઉંમર માટે વ્રત કરે છે. ધાર્મિક માન્યતા અનુસાર નિર્જળા વ્રત કરવાથી પતિ દીર્ધાયુ થાય છે. સાથે જ પતિ-પત્નીના સંબંધોમાં મધુરતા આવે છે. આ તહેવાર દર વર્ષે કાર્તક માસના કૃષ્ણ પક્ષની ચતુર્થીએ આવે છે. આ વર્ષે આ વ્રત 1 નવેમ્બર બુધવારે છે. 

આ દિવસે માતા ગૌરીની પૂજા કરવામાં આવે છે. માન્યતા છે કે માતા ગૌરીની કૃપાથી લગ્ન જીવનમાં ખુશી આવે છે. સાથે જ પતિ-પત્નીના સંબંધમાં પ્રેમ વધે છે. એવામાં અમુક સરળ ઉપાય જરૂર કરવા જોઈએ.

લગ્ન જીવનને સુખી બનાવવામાં ઉપાય 

સોળે શણગાર કરો   
કરવા ચોથ પર મહિલાઓ સોળે શણગાર સજે છે. માન્યતા છે કે સુહાગણ મહિલાઓને કરવા ચોથના દિવસે પૂજા વખતે માતા પાર્વતીને સોળ શણગારની સામગ્રી જરૂર અર્પિત કરવી જોઈએ. ત્યાર બાદ સ્વયં પણ સોળ શણગાર કરવો. તેની સાથે જ હાથમાં લીલા રંગની ચૂડી પહેરવી જોઈએ. આમ કરવાથી દાંપત્ય જીવન ખુશીઓથી ભરાઈ જાય છે. પતિ-પત્નીના સંબંધમાં મધુરતા આવે છે.

પૂજામાં ગોળ ચડાવો 
સુહાગણ મહિલાઓને કરવા ચોથના દિવસે પૂજા વખતે ભગવાન ગણેશને ગોળ જરૂર પડાવવો જોઈએ. તેનાથી ભગવાન ગજાનનો આશીર્વાદ મળે છે. માન્યતા છે કે આમ કરવાથી પતિ-પત્નીના સંબંધમાં મિઠાસ આવે છે. સાથે જ વૈવાહિક જીવનમાં આવનાર બધી મુશ્કેલીઓ દૂર થાય છે. માટે તમારે ભગવાન ગણેશની પૂજામાં સિદ્ધિવિનાયક મંત્રોનો જાપ કરવો જોઈએ. 

આ વસ્તુઓ આપો દાનમાં
જીવનમાં આવતી મુશ્કેલીઓ દૂર કરવા માટે અમુક વસ્તુઓનું દાન જરૂર કરવું જોઈએ. માન્યતા છે કે કરવા ચોથના દિવસે લાલ સિંદૂર, ઈત્ર, કેસર અને ચણાની દાણનું દાન કરવાથી વૈવાહિક જીવનમાં ખુશીઓ આવે છે. તેની સાથે જ ઘરમાંથી નકારાત્મક શક્તિઓ દૂર થાય છે અને સકારાત્મકતાનો વાસ થાય છે. 

ધરો અર્પિત કરો 
કોઈ પમ શુભ કાર્યક્રમમાં વિઘ્નહર્તા ભગવાન ગણેશની પૂજા સૌથી પહેલા થાય છે. માટે કરવા ચોથના દિવસે પણ ભગવાન ગણેશને સૌથી પહેલા યાદ કરવામાં આવે છે. ધાર્મિક માન્યતા અનુસાર કરવા ચોથના દિવસે ભગવાન ગણેશજીની પૂજામાં ધરા સાથે 21 ગોળની ગોળીઓ બનાવી અર્પિત કરવી જોઈએ. આમ કરવાથી પતિ-પત્નીનો સંબંધ અતૂટ બને છે. 

આ વાતોનું રાખો ધ્યાન 
હિંદૂ તહેવારોમાં કરવા ચોથનું ખાસ મહત્વ છે. માટે આ દિવસે શરીર પર ધારણ કરેલા કપડાના રંગનું પણ ધ્યાન રાખો. એવામાં પ્રયત્ન કરો કે કરવા ચોથના દિવસે સફેદ કે કાળા રંગના વસ્ત્ર ન પહેરો. 

આ દિવસે નારંગી, લાલ, ગુલાબી, પીળા રંગના કપડાં પહેરો અને 16 શણગાર કરો. આમ કરવું સુહાગણનું પ્રતીક માનવામાં આવે છે. તેની સાથે જ આજના દિવસે પોતાના ઘરના વૃદ્ધોના આશીર્વાદ જરૂર લો.