ટિપ્પણી / 'શું આપણે 17મી સદી તરફ જઇ રહ્યાં છીએ?', મહિલાને નિર્વસ્ત્ર કરી ગામમાં ફેરવવા બદલ હાઇકોર્ટ નારાજ

• શું આપડે 17મીં સદી તરફ જઈ રહ્યા છીએ? 
• કર્ણાટક હાઈકોર્ટની ફટકાર 
• મહિલાને નિર્વસ્ત્ર કરી ફેરવવાના મામલે ટિપ્પણી 

કર્ણાટકના બેલગાવી જિલ્લાના એક ગામમાં એક મહિલાની સાથે કથિત રીતે મારઝૂડ અને તેને નિર્વસ્ત્ર કરીને ફેરવવાની ઘટના પર કર્ણાટક હાઈકોર્ટે નારાજગી વ્યક્ત કરી છે. કર્ણાટક હાઈકોર્ટે તેને અસાધારણ મામલો કહેતા જણાવ્યું, "તેની સાથે અમારા હાથે અસાધારણ વર્તન કરવામાં આવશે."

મહિલાના દિકરા પર યુવતીને ભગાવવાનો આરોપ 
જણાવી દઈએ કે આ ઘટના 11 ડિસેમ્બર સવારે તે મહિલાના દિકરાની એક યુવતી સાથે ભાગી જવા બાદ બની હતી. પોલીસે જણાવ્યું કે યુવતીની સગાઈ કોઈ બીજા સાથે થવાની હતી. 

તેના વિશે જાણકારી સામે આવવા પર યુવતીના પરિવારે ન્યૂ વંટામુરી ગાંમ સ્થિત યુવકના ઘર પર હુમલો કરી તેને નુકસાન પહોંચાડ્યું. તેની સાથે જ યુવકના માતાની સાથે કથિત રીતે મારઝૂડ કરવામાં આવી અને તેમને ઘસેડીને નિર્વસ્ત્ર કરી ફેરવવામાં આવી અને વિજળીના થાંભલા સાથે બાંધી દેવામાં આવ્યા. 

હાઈકોર્ટે પોલીસને આપ્યું સમન્સ 
આ મામલાને લઈને કર્ણાટક હાઈકોર્ટની એક બેંચે બેલગાવીના પોલીસ કમિશનરને પણ સમન્સ પાઠવ્યું છે અને 18 ડિસેમ્બરને રિપોર્ટ સબમિટ કરવા માટે વ્યર્તિગત રીતે કોર્ટમાં ઉપસ્થિત થવાનું કહ્યું છે. 

એડવોકેટ જનરલે ગુરૂવારે મુખ્ય ન્યાયાધીસ પ્રસન્નાની ખંડપીઠ બી વરાલે અને ન્યાયમૂર્તિ કૃષ્ણ એસ દીક્ષિતના સામે ઘટના પર કરેલી કાર્યવાહી વિશે એક જાહેરાત અને અમુક દસ્તાવેજ સોંપ્યા છે. 

કોર્ટે હુમલાવરોની ધરપકડના આપ્યા આદેશ 
જોકે કોર્ટે કહ્યું કે રિપોર્ટ પુરતો નથી. તેમણે કહ્યું, "અમે એ કહી શકીએ કે કમ સે કમ ઘટના બાદ જે પ્રકારે વસ્તુઓ થઈ તેનાથી અમે સંતુષ્ટ નથી. જ્યારે એડવોકેટ જનરલે રજૂઆત કરી હતી કે ACP કેસની તપાસ કરી રહ્યા છે. ત્યારે HCએ કમિશનર અને ACPને હાજર થવા અને વધારાના અહેવાલો ફાઈલ કરવાનો નિર્દેશ આપ્યો હતો. કોર્ટે હુમલાખોરોની તાત્કાલિક ધરપકડ કરવાનો આદેશ પણ આપ્યો છે. "