નેશનલ / કર્ણાટકમાં ભારે વરસાદથી જનજીવન અસ્તવ્યસ્ત, નીચાણવાળા વિસ્તારો જળબંબાકાર

કર્ણાટક રાજ્યના વિવિધ વિસ્તારોમાં છેલ્લા કેટલાક દિવસોથી ભારે વરસાદ પડી રહ્યો છે, જેના કારણે અનેક જગ્યાએ સામાન્ય જનજીવન પ્રભાવિત થયું છે. ખાસ કરીને બલ્લારી જિલ્લામાં પાણી ભરાવાની સ્થિતિ સર્જાઈ છે. શહેરના અનેક માર્ગો અને નીચાણવાળા વિસ્તારોમાં વરસાદી પાણી ભરાઈ જતાં લોકોની અવરજવર મુશ્કેલ બની ગઈ છે.

ભારે વરસાદના કારણે વાહનવ્યવહાર પર પણ અસર પડી છે. રસ્તાઓ પર પાણી ભરાવા અને ક્યાંક કાદવ થવાને કારણે વાહનો ધીમે ગતિએ ચાલી રહ્યા છે. કેટલીક જગ્યાએ ટ્રાફિક જામની સ્થિતિ પણ જોવા મળી રહી છે. લોકો પોતાના રોજિંદા કામકાજ માટે બહાર નીકળવામાં મુશ્કેલી અનુભવી રહ્યા છે.

આ વિસ્તારોમાં ભારે વરસાદની આગાહી

બીજી તરફ દક્ષિણ કન્નડ જિલ્લો અને મેંગલુરુ વિસ્તારમાં પણ ભારે વરસાદની આગાહી કરવામાં આવી છે. હવામાન વિભાગ દ્વારા ચેતવણી આપવામાં આવી છે કે આગામી દિવસોમાં વરસાદ વધુ તેજ બની શકે છે. આ પરિસ્થિતિને ધ્યાનમાં રાખીને પ્રશાસન પણ સક્રિય થયું છે.

સાવચેતીના ભાગરૂપે નેશનલ ડિઝાસ્ટર રિસ્પોન્સ ફોર્સ (NDRF)ની ટીમોને સંવેદનશીલ વિસ્તારોમાં તૈનાત કરવામાં આવી છે. સ્થાનિક વહીવટીતંત્ર સતત પરિસ્થિતિ પર નજર રાખી રહ્યું છે અને જરૂરી પગલાં લેવામાં આવી રહ્યા છે. નીચાણવાળા વિસ્તારોમાં પાણી ભરાવાની શક્યતા હોવાથી ત્યાં બચાવ અને રાહત માટેની તૈયારીઓ પૂર્ણ રાખવામાં આવી છે.

આ પણ વાંચોઃ દેશમાં જામશે વરસાદી માહોલ! 7 રાજ્યોમાં ચોમાસું બેઠું, આગામી દિવસોમાં ધોધમાર વરસાદની આગાહી

પ્રશાસન દ્વારા નાગરિકોને સલાહ આપવામાં આવી છે કે અનાવશ્યક રીતે ઘર બહાર ન નીકળે. ખાસ કરીને ભારે વરસાદ દરમિયાન નદી-નાળાં અને પાણી ભરાયેલા વિસ્તારોની નજીક જવાથી બચવા જણાવવામાં આવ્યું છે. લોકોને સતર્ક રહેવા અને આપાતકાલીન સૂચનાઓનું પાલન કરવા અપીલ કરવામાં આવી છે.

આ રીતેકર્ણાટકમાં ભારે વરસાદને કારણે સ્થિતિ ગંભીર બની રહી છે પરંતુ તંત્ર દ્વારા યોગ્ય પગલાં લેવામાં આવી રહ્યા છે જેથી લોકોની સુરક્ષા સુનિશ્ચિત કરી શકાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ