વડોદરા / દિલ્હી-મુંબઈ એક્સપ્રેસ હાઈવે ત્રિપલ અકસ્માતમાં કારનો કચ્ચરઘાણ, 4ના મોત

Road Accident News: દિલ્હી-મુંબઈ એક્સપ્રેસ હાઈવે પર પાદરાના સમયાલા નજીક બસ, કાર અને આઈશર ટ્રક વચ્ચે થયેલી ટક્કરમાં ચાર લોકોના મોત નીપજ્યા છે.

પ્રાપ્ત થતી વિગતો અનુસાર દિલ્હી-મુંબઈ એક્સપ્રેસ હાઈવે પર મોડી રાત્રે અકસ્માત થયો છે. પાદરાના સમયાલા નજીક બસ અને આઈશર ટ્રક સાથે ઈકો કાર ધડાકાભેર અથડાતાં આ દુર્ઘટના સર્જાઈ હતી. ચાર લોકોના ઘટનાસ્થળે જ કમકમાટીભર્યા મોત નીપજ્યા છે. કારમાં કુલ 8 મુસાફરો સવાર હતા.

ઈકો કારમાં સવાર તમામ લોકો પાદરા નજીક આવેલા અંપાડ ગામના હોવાની પ્રાથમિક વિગતો મળી રહી છે. પોલીસ હાલ આ મામલે ગુનો નોંધીને આગળની કાયદેસરની કાર્યવાહી હાથ ધરી રહી છે.

આ પણ વાંચોઃ વડોદરા / દાદાગીરી કરનાર કરજણના ધારાસભ્યના દીકરાને મળ્યા જામીન, ડ્રાઈવરને ઢોરમાર માર્યો હતો

આ અકસ્માત ઇકો કારમાં સવાર પાંચ લોકો ગંભીર રીતે ઘાયલ થયા છે, જેમને સારવાર અર્થે વડોદરાની જુદી-જુદી હોસ્પિટલોમાં ખસેડવામાં આવ્યા છે. તબીબોના જણાવ્યા અનુસાર તમામ ઇજાગ્રસ્તોની સ્થિતિ હાલ અત્યંત નાજુક છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ