- હરિયાણવી અભિનેત્રી રાજનીતિના રસ્તે
- આમ આદમી પાર્ટીમાં જોડાઇ કંગના શર્મા
- ગ્રેટ ગ્રાન્ડ મસ્તી ફિલ્મમાં કર્યુ હતું કામ
બોલિવુડના ઘણા એવા સ્ટાર્સ છે જેમની ફિલ્મી કારકિર્દી પાટા પર ન ચઢતા રાજનીતિ અપનાવી લીધી હોય. ત્યારે વધુ એક ફિલ્મ અભિનેત્રીએ રાજનીતિમાં જવાનું મન બનાવી લીધું, બોલિવુડની હરિયાણવી અભિનેત્રી આમ આદમી પાર્ટી સાથે જોડાઇ. હાલમાં આ અભિનેત્રીની તસવીર સોશિયલ મીડિયામાં ભારે વાયરલ થઇ રહી છે.
બોલ્ડ અભિનેત્રીએ રાજકારણમાં જોડાઇ
આ અભિનેત્રી છે કંગના શર્મા. અભિનયની દુનિયામાં પોતાનું બોલ્ડ રૂપ બતાવ્યા બાદ હવે કંગના શર્માએ રાજનીતિનો માર્ગ અપનાવ્યો છે. તેણે 'આપ' પાર્ટીમાં જોડાઈને પોતાની રાજકીય ઇનિંગ શરૂ કરી છે. AAP પાર્ટી વતી એક ટ્વિટ પણ કરવામાં આવ્યું હતું. ટ્વીટમાં કહેવામાં આવ્યું છે કે બોલિવૂડની જાણીતી અભિનેત્રી, મોડલ અને સિંગર કંગના શર્મા ખેમકા અરવિંદ કેજરીવાલની નીતિઓથી પ્રભાવિત થઈને આમ આદમી પાર્ટીમાં જોડાઈ છે. 'આપ' પરિવાર તેમનું સ્વાગત કરે છે.
બોલ્ડ પાત્રોથી આવી હતી ચર્ચામાં
કંગના શર્મા હરિયાણવી અભિનેત્રી છે. એક્ટિંગ પહેલા તે મોડલિંગ કરતી હતી અને પછી તેણે ફિલ્મોની દુનિયામાં પણ હાથ અજમાવ્યો. કંગનાએ ફિલ્મ 'ગ્રેટ ગ્રાન્ડ મસ્તી'થી ડેબ્યૂ કર્યું હતું પરંતુ આ ફિલ્મ પડદા પર ખાસ ચાલી નહી. આ ફિલ્મ પછી પણ કંગનાનો સિક્કો ન ચાલી શક્યો અને તે OTTની દુનિયા તરફ વળી ગઈ. કંગના શર્માએ 'મોના હોમ ડિલિવરી' નામની વેબ સિરીઝમાં કામ કર્યું હતું જ્યાં તેણે શરમની તમામ હદો પાર કરી નાંખી હતી.
કંગનાની કારકિર્દી
કંગના શર્માએ વર્ષ 2012માં મોડલ તરીકે પોતાના કરિયરની શરૂઆત કરી હતી. કંગના શર્મા પંજાબી સિંગર હાર્ડી સંધૂની 'યાર ની મઇલા', પૂજા સિંહની 'પરદે મેં ફિર સે', નછત્તર ગિલની 'જાન લેને તક', જોની સેઠની 'બ્યુટી ઓવરલોડ' અને ઇક્કાની 'નિન્દ્રા' જેવા મ્યુઝિક વીડિયોમાં કામ કરી ચૂકીછે. જ્યારે બોલિવુડમાં તેણે 2016માં 'ગ્રેટ ગ્રાન્ડ મસ્તી'માં તેના બોલ્ડ અવતાર અને દ્રશ્યોથી લાઇમલાઇટમાં આવી હતી.
