જ્યોતિષ શાસ્ત્ર / 12 વર્ષ બાદ ગુરુ ગ્રહનો મેષ રાશિમાં પ્રવેશ: આ રાશિના જાતકોના શરૂ થશે 'અચ્છે દિન'

મેષ ( અ,લ,ઈ ) :   તમારી રાશી પરથી ગુરુનું ભ્રમણ સંતાન બાબત તેમજ મુસાફરી યાત્રા કે જાત્રા બાબત લાભ અપાવી શકે છે, સ્વાસ્થ્ય બાબત થોડી કાળજી રાખવી હિતાવહ છે, આર્થિક બાબતમા સુધારો સંભવિત કહી શકાય.

વૃષભ (બ,વ,ઉ ) : તમારી રાશીથી બારમે ગુરુનું ભ્રમણ થોડી કાળજી રાખવી, નોકરીમાં લાભની તક અપાવે, કોઈ સ્વાસ્થ્ય ની સમસ્યા હોય તો તેમાં કોઈ નિદાન ફાયદો કરાવે, જમીન, મકાન બાબત કોઈ લાભની વાત પણ બની શકે.

મિથુન ( ક,છ,ઘ ) : તમારી રાશીથી અગિયારમાં સ્થાનમાં ગુરુનું ભ્રમણ કુટુંબ ને લગતી બાબતમાં લાભ અપાવે, સંતાન બાબતે પણ કોઈ સારી વાત બની શકે છે, દામ્પત્યજીવનમાં પણ સુખીની વાત બની શકે છે.

કર્ક ( ડ,હ ) : તમારી રાશિથી દશમે ગુરુનું ભ્રમણ પરિવાર અને નાણા સુખમાં વધારો કરે, કોઈ સારા પ્રસંગ ની વાત બની શકે, વ્યવસાયમાં સુધારો થાય, વડીલ વર્ગના સ્વાસ્થની થોડી ચિંતા આવી શકે.

સિંહ ( મ,ટ ) : તમારી રાશિથી નવમે ગુરુનું ભ્રમણ ધાર્મિક કાર્યમાં રૂચી વધારે, સ્વાસ્થ્ય અંગે કોઈ દ્વિધા હોય તો તેમાં પણ સારો સુધારો આવી શકે, કુટુંબમા કોઈ લાભની વાત પણ બની શકે છે.

કન્યા ( પ,ઠ,ણ ) : તમારી રાશિથી આઠમે ગુરુનું ભ્રમણ કોઈ કાર્ય અર્થે મુસાફરી કરાવે, નાણાકીય સ્થિતિમાં સુધારો આવે, પરિવારમાં કોઈ સારા પ્રસંગમાં યોગદાન આપવાનું પણ બની શકે છે.

તુલા ( ર,ત ) : તમારી રાશિથી સાતમે ગુરુનું ભ્રમણ આકસ્મિક લાભના યોગ ઉભા કરશે, સ્વાસ્થ્યમાં સુધારો થાય, આત્મબળ વધે, કુટુંબ પ્રત્યે ભાવના વધે, કામકાજમા ઉત્સાહ પણ વધે તેવા યોગ બને છે.

વૃશ્ચિક ( ન,ય ) : તમારી રાશીથી છઠે ગુરુનું ભ્રમણ કામકાજમાં સારો લાભ કે સારી તક અપાવશે, મુસાફરીના યોગ પણ બનાવશે, નાણાકીય બાબતમાં પણ લાભ થાય તેવું બનવા જોગ છે.

ધન ( ભ,ફ,ધ ઢ ) : તમારી રાશિથી પાંચમે ગુરુનું ભ્રમણ ભાગ્યને બળ મળેશે, અટકેલા કાર્ય પુરા કરવા મહેનત કરશો તો લાભ સંભવિત છે, આકસ્મિક લાભની વાત બનવાજોગ છે, સ્વાસ્થ સુખાકારી સારી રહે,

મકર ( ખ, જ ) : તમારી રાશિથી ચોથે ગુરુનું ભ્રમણ આકસ્મિક લાભની તક અપાવશે, નોકરી, વ્યવસાયમાં લાભની કોઈ વાત પણ બની શકે છે, યાત્રા કે જાત્રાના યોગ પણ છે જેમાં ખુશી અનુભવો.

કુંભ ( ગ,સ,શ ) : તમારી રાશીથી ત્રીજે ગુરુનું ભ્રમણ દામ્પત્યજીવનમાં સુખાકારી વધારશે, ભાગ્યને બળ મળશે જેથી મહેનતબાદ કામકાજમાં સારી સફળતા મળે, કોઈ લાભની વાત અંગતજીવનમા પણ મળી શકે છે. 

મીન ( દ,ચ,ઝ,થ ) :   તમારી રાશિથી બીજે ગુરુનું ભ્રમણ નોકરી વ્યવસાયમાં લાભ અપાવશે, જુના અટકેલા કાર્યમાં સફળતા મળી શકે છે, પરિવારમાં કોઈ પ્રસંગમા સારું યોગદાન પણ આપી શકાય.

ડો. હેમિલ પી લાઠિયા

જ્યોતિષાચાર્ય