- જુહી સાથે લગ્ન કરવા માંગતા હતા સલમાન ખાન
- જૂહીનો હાથ માંગવા તેના પિતા પાસે પણ પંહોચ્યાં હતા
- જય મહેતા સાથે જૂહીના આ રીતે થયા લગ્ન
80 અને 90ના દાયકા દરમિયાન લોકોના દિલો પર રાજ કરનારી અભિનેત્રી જૂહી ચાવલા આજે 55 વર્ષની થઈ ગઈ છે. જણાવી દઈએ કે મોડલિંગની દુનિયામાં સારું નામ કમાયા બાદ જુહીએ બોલિવૂડમાં એન્ટ્રી કરી હતી. વર્ષ 1987માં રિલીઝ થયેલી ફિલ્મ 'સુલ્તનત'થી જુહી ચાવલા એ ડેબ્યૂ કર્યું હતું. જો કે આ પછી જૂહી એ ક્યારેય પાછું ફરીને નથી જોયું. એક પછી એક હિટ ફિલ્મ આપતી રહી જેમાં 'ડર', 'દીવાના મસ્તાના', 'ઈશ્ક', 'હમ હૈ રાહી પ્યાર' જેવી ઘણી ફિલ્મો સામેલ છે. જણાવી દઈએ કે જુહી ચાવલાએ વર્ષ 1995માં બિઝનેસમેન જય મહેતા સાથે ચોરી છૂપી રીતે લગ્ન કર્યા હતા. પણ શું તમે જાણો છો કે સલમાન ખાન પણ જુહી ચાવલા સાથે લગ્ન કરવા માંગતા હતા? આજએ અમે તમને એવો જ એક કિસ્સો કહેવા જઈ રહ્યા છીએ.
જુહી સાથે લગ્ન કરવા માંગતો હતો સલમાન ખાન
હાલ પણ સલમાન ખાન હિન્દી સિનેમાનો સૌથી એલિજેબલ બેચલર ગણાય છે તેઓ આજ સુધી સિંગલ છે. જો કે અત્યાર સુધી સલમાન ખાનનું નામ ઘણી અભિનેત્રીઓ સાથે જોડાયું છે પણ એક સમય એવો હતો કે જ્યારે સલમાન ખાન જૂહી ચાવલા પર પોતાનું દિલ ખોઈ બેઠા હતા. સલમાનને જુહી ઘણી પસંદ હતી અને આટલું જ નહીં તે જુહી ચાવલા સાથે લગ્ન કરવા પણ તૈયાર હતા પણ જુહી ચાવલાના પિતાના કારણે આ શક્ય બન્યું નહતું.
જૂહીનો હાથ માંગવા ગયા હતા સલમાન
એ સમયે સલમાન ખાનને જૂહી ચાવલા એટલી પસંદ આવી કે તે તેના પિતા પાસે પણ વાત કરવા પહોંચી ગયા હતા. એક રિપોર્ટ અનુસાર સલમાન ખાને જૂહીના પિતા પાસે તેનો હાથ માંગ્યો હતો પણ જુહી ચાવલાના પિતાએ સલમાન ખાનને રિજેક્ટ કરવામાં આવ્યો હતો. જો કે આ વાત ખુદ સલમાન ખાને એક ઈન્ટરવ્યુમાં કહી હતી, એમને જણાવ્યું હતું કે 'જુહી ખૂબ જ સ્વીટ છે અને મેં તેના પિતાને પણ પૂછ્યું હતું કે તમે જૂહીને મારી સાથે લગ્ન કરવા દેશો? પણ એમને ના પાડી હતી. કદાચ હું એમને નહતો, ખબર નહીં એમને કેવો છોકરો જોઈતો હતો ?'
જય મહેતા સાથે આ રીતે થયા લગ્ન
જૂહી ચાવલાએ જય મહેતા સાથે ત્યારે લગ્ન કર્યા હતા જ્યારે તે તેના કરિયરના પિક પર હતી. જણાવી દઈએ કે બંનેએ વર્ષ 1995માં ચૂપચાપ રીતે લગ્ન કર્યા હતા. એક મીડિયા રિપોર્ટ અનુસાર જય અને જુહીની પહેલી મુલાકાત રાકેશ રોશન દ્વારા ગોઠવવામાં આવી હતી અને એ પછી બંનેને એકબીજા પસંદ આવવા લાગ્યા હતા. જો કે તમને જાણીને નવાઈ લાગશે કે જુહીએ છ વર્ષ સુધી પોતાના લગ્નની વાત લોકોથી છુપાવી હતી અને જ્યારે અભિનેત્રી પહેલીવાર ગર્ભવતી બની હતી ત્યારે લોકોને આ વિશે ખબર પડી હતી.
