ટ્રાફિક જામ / અમદાવાદનો આ ઓવરબ્રિજ કામગીરીને લીધે બંધ કરાયો, જાણકારી મેળવી લ્યો નહીંતર ટ્રાફિકમાં ફસાઈ જશો

• અમદાવાદમાં જીવરાજ ઓવરબ્રિજ આજથી બંધ 
• મેટ્રોની કામગીરીને કારણે બ્રિજ બંધ કરાયો 
• વાહન ચાલકો થયા હેરાન પરેશાન 

અમદાવાદમાં છેલ્લા કેટલાય સમયથી મેટ્રો રેલનું કામ ચાલી રહ્યું છે. જેના કારણે રસ્તાઓ પર ટ્રાફીક જામની સમસ્યા સર્જાય છે. ત્યારે વધુમાં મેટ્રોના કામને લઈને વધું એક રસ્તો બંધ કરવામાં આવ્યો જેના કારણે શહેરીજનો ભારે હાંલકીનો સામનો કરી રહ્યા છે. 

ઓવરબ્રિજ બંધ થવાને કારણે ટ્રાફિકજામ થયો 

શહેરના જીવરાજ પાર્ક વિસ્તારમાં આવેલ જીવરાજ ઓવરબ્રિજને બંધ કરી દેવામાં આવ્યો છે. જેના કારણે તે વિસ્તારમાં આજે ભારે ટ્રાફિક જામના દ્રશ્યો જોવા મળ્યા હતા. સવારના સમયે ઓફિસ ટાઈમ હોવાને કારણે જીવરાજ  પાર્ક વિસ્તારથી લઈને વેજલપુર વિસ્તાર સુધી ટ્રાફિક જામના દ્રશ્યો સર્જાયા હતા. 

સોશિયલ ડિસટન્સીંગના ધજાગરા 

ટ્રાફિકજામને કારણે વાહનોની લાંબી લાઈન લાગી  ગઈ હતી. જેના કારણે લોકો હેરાન પરેશાન થયા હતા. જોકે આ બધાની વચ્ચે સોશિયલ ડિસટન્સીંગના પણ ઘજાગરા ઉડ્યા હતા. છેલ્લા ઘણા સમયથી આ વિસ્તારમાં ટ્રાફિકની સમસ્યા મોટા પ્રમાણમાં છે. પરંતુ ઓવરબ્રીજ બંધ થઈ જવાને કારણે ટ્રાફિક પહેલા કરતા 5 ગણો આજે જોવા મળ્યો હતો. 

બ્રિજ બંધ થતા ડાયવર્ઝન અપાયું 

ઉલ્લેખનીય છે કે મેટ્રો રેલની કામગીરીને લઈને જીવરાજ ઓવરબ્રિજ બંધ કરવામાં આવ્યો છે. સાથેજ બ્રિજ બંધ થતા ડાયવર્ઝનનું પણ આપવામાં આવ્યું છે. જેના કારણે ભારે ટ્રાફિકજામ થયો હતો. જોકે હજુ પણ અગામી 4 દિવસ સુધી આ બ્રિજ બંધ રાખવામાં આવશે. જેથી આગામી દિવસોમાં વધું ટ્રાફિકની સમસ્યા સર્જાઈ શકે છે.