મહારેલી / અમદાવાદથી લઈને દિલ્હી ગજવશે જૈન સમાજ: જાણો કયા મામલામાં ભભૂકી રહ્યો છે રોષ

• આવતીકાલે સમગ્ર દેશમાં જૈન સમાજ યોજશે રેલી
• શ્રી શેત્રુંજય મહાતીર્થની રક્ષા માટે મહારેલીનું આયોજન
• અમદાવાદ, સુરત, મુંબઈ, દિલ્લી સહિત દેશભરમાં મહારેલી

આવતીકાલે સમગ્ર દેશમાં જૈન સમાજ રેલી યોજાશે.  શ્રી શેત્રુંજય મહાતીર્થની રક્ષા માટે મહારેલીનું આયોજન કરવામાં આવ્યું છે. અમદાવાદ, સુરત, મુંબઈ, દિલ્લી સહિત દેશભરમાં મહારેલીનું આયોજન કરાયું છે.

આવતીકાલે સમગ્ર દેશમાં જૈન સમાજ યોજશે રેલી
સમગ્ર દેશમાં જૈન સમાજ દ્વારા શ્રી શેત્રુંજય મહાતીર્થની રક્ષા માટે મહારેલીનું આયોજન કરવામાં આવ્યું છે. અમદાવાદ, સુરત, મુંબઈ, દિલ્લી સહિત દેશભરમાં મહારેલીનું આયોજન કરાયું છે. ગિરીરાજ પર બની રહેલા ગેરકાયદેસર દબાણો-મકાનો અટકાવવા જૈન સમાજની માગ છે. તમને જણાવી દઈએ કે, સમ્મેદ શિખરની પવિત્રતા સુનિશ્ચિત કરવાનો આ મહારેલીનો હેતુ છે. 

અમદાવાદ, સુરતમાં જૈન સમાજ દ્વારા મહારેલીનું આયોજન
અમદાવાદમાં જૈન સમાજ દ્વારા મહારેલીનું આયોજન કરવામાં આવશે. અમદાવાદના પાલડી ચાર રસ્તાથી આ રેલી નીકળશે. સુરતમાં વનિતા આશ્રમથી કલેક્ટર ઓફિસ સુધી રેલી નીકળશે. મોટી સંખ્યામાં જૈન સમાજના લોકો આ રેલીમાં ભાગ લેશે.

પાલિતાણાનો વિવાદ શું છે?
પાલિતાણામાં તોડફોડ કરવામાં આવી હતી. રોહિશાળામાં જૈનોના પ્રથમ તિર્થંકર આદિનાથ દાદાના પ્રાચીન પગલાને ખંડિત કરાયા હતા. પગલા ખંડિત કરવા સાથે મંદિરના CCTV અને પોલમાં પણ તોડફોડ કરી હતી. તોડફોડની ઘટનાથી સમગ્ર રાજ્યના જૈન સમાજમાં રોષ ફેલાયો હતો. 26 નવેમ્બરના રોજ પ્રાચીન ચરણ પાદુકાને ખંડિત કરવામાં આવી હતી.  નીલકંઠ મંદિરમાં પૂજારી અને આણંદજી કલ્યાણજી પેઢી વચ્ચેના વિવાદને લઇ તોડફોડ થઈ હોવું જાણવા મળ્યું હતું. 

સતાવતા સવાલ
તીર્થસ્થાનોમાં શાંતિ કોણ ડહોળે છે?
શેત્રુંજય મહાતીર્થનો વિરોધ ક્યારે અટકશે?
તીર્થસ્થાનોમાં તોડફોડ કેમ?
તીર્થસ્થાનોમાં દબાણ કરવામાં આવ્યું?
તીર્થસ્થાનના વિવાદનો અંત ક્યારે?
શાંતિ ડહોળનારને સજા ક્યારે મળશે?