તમારા કામનું / 12 પાસ યુવાઓ માટે ITBPમાં નોકરી કરવાનો શાનદાર ચાન્સ, મળશે ₹81000 સુધીની સેલરી

જો તમે ભારતીય સશસ્ત્ર દળોમાં જોડાવા ઈચ્છતા હોવ, તો ઈન્ડો-તિબેટન બોર્ડર પોલીસ (ITBP) દ્વારા જાહેર કરાયેલી ભરતી માટે અરજી કરવાની આ તમારી છેલ્લી તક છે. ITBP દ્વારા હેડ કોન્સ્ટેબલોની સીધી ભરતી માટેની ઓનલાઈન અરજી પ્રક્રિયા 27 ઓક્ટોબરે પૂર્ણ થવા જઈ રહી છે. આ ભરતી માટેની અરજી પ્રક્રિયા 28 સપ્ટેમ્બરથી શરૂ થઈ હતી. તેથી, જો તમે રાષ્ટ્રની સેવા કરવાનું સ્વપ્ન જોતા હોવ અને ભારતીય સશસ્ત્ર દળોમાં જોડાવા માંગતા હોવ, તો તમે હજુ પણ આવતીકાલ સુધી આ જગ્યાઓ માટે તમારી અરજી સબમિટ કરી શકો છો.

ITBP હેડ કોન્સ્ટેબલ વેકેન્સી ડિટેલ્સ

ITBP દ્વારા હેડ કોન્સ્ટેબલની કુલ 37 જગ્યાઓ ભરવામાં આવનાર છે. જેમાં હેડ કોન્સ્ટેબલની 16 જગ્યાઓ અને હેડ કોન્સ્ટેબલ, મોટર મિકેનિકની 21 જગ્યાઓનો સમાવેશ થાય છે. હેડ કોન્સ્ટેબલની જગ્યાઓ માટે કેટિગરીવાર વિભાજન જોઈએ તો, જનરલ કેટેગરી માટે ૪, OBC માટે 9, EWS માટે 1 અને અન્ય 2 જગ્યાઓ મળીને કુલ 16 જગ્યાઓ છે. જ્યારે હેડ કોન્સ્ટેબલ મોટર મિકેનિકની જગ્યાઓ માટે, જનરલ કેટેગરી માટે 7, OBC માટે 7, અનુસૂચિત જાતિ (SC) માટે 3 અને અન્ય 4 જગ્યાઓ મળીને કુલ 21 જગ્યાઓ છે.

શું છે એજ્યુકેશનલ કોલિફિકેશન?

ITBP હેડ કોન્સ્ટેબલની જગ્યાઓ માટે અરજી કરવા માટે, ઉમેદવારોએ નિર્ધારિત નિયમો અને શરતો પૂર્ણ કરવી આવશ્યક છે. ઉમેદવારોએ માન્ય બોર્ડમાંથી ધોરણ 12 પાસ કરેલું હોવું ફરજિયાત છે. આ ઉપરાંત, તેમની પાસે સંબંધિત ટ્રેડમાં ITI પ્રમાણપત્ર અને ૩ વર્ષનો કાર્ય અનુભવ હોવો જોઈએ. અરજદારો માટે લઘુત્તમ વય મર્યાદા 18 વર્ષ અને મહત્તમ વય મર્યાદા 25 વર્ષ નક્કી કરવામાં આવી છે. વયની ગણતરી 27 ઓક્ટોબર, 2026ના રોજ કરવામાં આવશે, જ્યારે અનામત વર્ગના ઉમેદવારોને નિયમો અનુસાર વય મર્યાદામાં છૂટછાટ આપવામાં આવશે.

કેટલી મળશે સેલેરી ?

ITBP હેડ કોન્સ્ટેબલના પદ માટે પસંદ કરાયેલા ઉમેદવારોને કેન્દ્ર સરકારના 7મા પગાર પંચના 'પે લેવલ 4' મુજબ પગાર મળશે. આ અંતર્ગત, પસંદ કરાયેલા ઉમેદવારોને 25,500 રુપિયા થી 81,100 રુપિયા સુધીનો માસિક પગાર આપવામાં આવશે. આ પગાર ઉપરાંત, પસંદ કરાયેલા ઉમેદવારો મોંઘવારી ભથ્થું (DA), તબીબી સુવિધાઓ અને જોખમ સંબંધિત અન્ય ભથ્થાઓ મેળવવા માટે પણ હકદાર રહેશે.

આ પણ વાંચોઃ આજથી રેલવેનો નવો નિયમ લાગુ, કાઉન્ટર ટિકિટ પર મળશે ₹10 લાખનો વીમો

હેડ કોન્સ્ટેબલના પદો પર કેવી રીતે ભરવા ફોર્મ

• હેડ કોન્સ્ટેબલના પદ માટે ઓનલાઇન અરજી કરવા માટે, સૌપ્રથમ અધિકૃત વેબસાઇટની મુલાકાત લો.
• recruitment.itbpolice.nic.in પર જાઓ.
• ત્યારબાદ, હોમ પેજ પર આપેલી રજિસ્ટ્રેશન લિંક પર ક્લિક કરીને રજિસ્ટ્રેશન કરો.
• લોગ-ઇન કર્યા પછી, હેડ કોન્સ્ટેબલ ભરતી ફોર્મ ભરો.
• ત્યારબાદ, પાસપોર્ટ સાઈઝનો ફોટોગ્રાફ, તમારી સહી અને અન્ય જરૂરી ડોક્યુમેન્ટ અપલોડ કરો.
• ફી ચૂકવ્યા પછી, ફોર્મ કાળજીપૂર્વક તપાસો.
• ફોર્મ તપાસી લીધા પછી, તેને સબમિટ કરો અને કન્ફર્મેશન પેજ ડાઉનલોડ કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ