સારી તક.. / કરિયર આકાશને આંબશે: ISROએ શરૂ કર્યો ફ્રી ઓનલાઈન કોર્સ, આવી રીતે કરો એપ્લાય

ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ રિમોટ સેન્સિંગમાં રસ ધરાવતા યુવાનો માટે મફત ઓનલાઈન કોર્સ શરૂ કર્યો છે. રિમોટ સેન્સિંગ ક્ષેત્રમાં પોતાની કારકિર્દી બનાવવા માંગતા લોકો માટે આ કોર્સ એક શ્રેષ્ઠ તક છે. આ ઓનલાઈન કોર્સ ઈન્ડિયન ઈન્સ્ટિટ્યૂટ ઓફ રિમોટ સેન્સિંગ (આઈઆઈઆરએસ) દ્વારા ઈન્ડિયન સ્પેસ રિસર્ચ ઓર્ગેનાઈઝેશન હેઠળ ઓફર કરવામાં આવે છે.

આઇઆઇઆરએસ દ્વારા શરૂ કરવામાં આવેલ જીયોલોજિકલ એપ્લિકેશન કોર્સ માટે એડવાન્સ્ડ ઇન રિમોટ સેન્સિંગ ટેક્નિક્સ રિમોટ સેન્સિંગના ક્ષેત્રમાં વ્યવહારુ માહિતી પૂરી પાડવાના ઉદ્દેશ્ય સાથે ડિઝાઇન કરવામાં આવી છે. આમાં મેપિંગ, મોનિટરિંગ, લેન્ડસ્લાઈડ વગેરેનો સમાવેશ થાય છે. ઈ-ક્લાસ પ્લેટફોર્મ દ્વારા ઉમેદવારોને અભ્યાસ સામગ્રી પૂરી પાડવામાં આવશે. ઉમેદવારો eclass.iirs.gov.in/login પર જઈને વર્ગો લઈ શકશે.

કોણ અરજી કરી શકે ?

આ ફ્રી ઓનલાઈન કોર્સ માટે અરજી કરનાર ઉમેદવારો અર્થ સાયન્સમાં પોસ્ટ ગ્રેજ્યુએટ હોવા જોઈએ. આ સિવાય જીઓલોજી, એપ્લાઇડ જીઓલોજી, જિયોફિઝિક્સ, અર્થ સાયન્સ, જિયો એક્સપ્લોરેશન, જીઓગ્રાફી જેવા વિષયો અને સિવિલ એન્જિનિયરિંગ, જીઓસાયન્સ, માઈનિંગ એન્જિનિયરિંગમાં બી.ટેક કરનારા વિદ્યાર્થીઓ આ કોર્સ માટે અરજી કરી શકે છે.

પ્રમાણપત્ર કોને મળશે?

આ કોર્સ પૂર્ણ કર્યા પછી ઉમેદવારોને પ્રમાણપત્ર આપવામાં આવશે. નોડલ કેન્દ્રો દ્વારા નોંધણી કરાવનાર વિદ્યાર્થીઓને 70 ટકા હાજરીના આધારે પ્રમાણપત્ર મળશે. જ્યારે, વ્યક્તિગત રીતે નોંધણી કરાવનાર ઉમેદવારોએ કોર્સના દરેક સત્રમાં 70 કલાક હાજર રહેવું પડશે. વ્યક્તિગત રીતે નોંધણી કરાવનાર ઉમેદવારો ISRO LMS દ્વારા પ્રમાણપત્ર ઑનલાઇન ડાઉનલોડ કરી શકશે.

વધુ વાંચો : લઈ લીધું હોત સારુ ! 800 રુપિયાના ઉછાળા સાથે સોનું પહોંચ્યું 65000ને પાર, કેમ લેવાશે લગ્નમાં?

કેવી રીતે અરજી કરવી

ઉમેદવારો 11 માર્ચથી 15 માર્ચ, 2024 સુધી ચાલનારા તાલીમ કાર્યક્રમ માટે નોડલ સેન્ટર પર અથવા રૂબરૂમાં નોંધણી કરાવી શકે છે. ઉમેદવારો સત્તાવાર સાઇટ isrollms.iirs.gov.in પર જઈને નોંધણી માટે અરજી કરી શકે છે. વધુ વિગતો માટે, ઉમેદવારો સત્તાવાર સાઇટની મદદ લઈ શકે છે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો