IPL 2024 / યુઝવેન્દ્ર ચહલે રચ્યો ઈતિહાસ, શેન વોર્નનો 13 વર્ષ જૂનો રેકોર્ડ તોડ્યો, પર્પલ કેપની રેસમાં નંબર 1 પર

ભારતીય ટીમનો સ્ટાર લેગ સ્પિનર ​​યુઝવેન્દ્ર ચહલ ઈન્ડિયન પ્રીમિયર લીગ (IPL)ની 17મી સીઝનમાં રાજસ્થાન રોયલ્સ ટીમ તરફથી રમી રહ્યો છે. અત્યાર સુધી ચહલે આ સિઝનમાં બોલથી શાનદાર પ્રદર્શન કર્યું છે, જેમાં તેણે 5 મેચમાં 10 વિકેટ લીધી છે અને તે પર્પલ કેપની રેસમાં નંબર 1 પર છે. જયપુરના સવાઈ માનસિંહ સ્ટેડિયમમાં 10 એપ્રિલે ગુજરાત ટાઇટન્સ સામે રમાયેલી મેચમાં યુઝવેન્દ્ર ચહલે પોતાની 4 ઓવરમાં 43 રન આપ્યા પરંતુ 2 વિકેટ પણ પોતાના નામે કરી. આ સાથે ચહલે IPLમાં રાજસ્થાન રોયલ્સ ટીમના પૂર્વ કેપ્ટન શેન વોર્નનો 13 વર્ષ જૂનો રેકોર્ડ પણ તોડી નાખ્યો છે.

A solid week for Yuzi! 🐐💗 pic.twitter.com/p7wF7xalVD

— Rajasthan Royals (@rajasthanroyals) April 11, 2024

ચહલ રાજસ્થાન રોયલ્સ માટે ત્રીજો સૌથી વધુ વિકેટ લેનાર બોલર બન્યો

ગુજરાત ટાઇટન્સ સામેની મેચમાં 2 વિકેટ સાથે યુઝવેન્દ્ર ચહલ હવે રાજસ્થાન રોયલ્સ તરફથી IPLમાં રમતી વખતે સૌથી વધુ વિકેટ લેવાના મામલે ત્રીજા સ્થાને પહોંચી ગયો છે. ચહલ 2022 IPL સિઝનમાં રાજસ્થાન ટીમનો ભાગ બન્યો, ત્યારથી તેણે 36 મેચમાં રાજસ્થાન માટે 58 વિકેટ ઝડપી છે. જ્યારે 2008 થી 2011 સુધી રાજસ્થાન રોયલ્સ ટીમ માટે કેપ્ટન તરીકે રમી ચુકેલા શેન વોર્ને 55 મેચમાં 57 વિકેટ ઝડપી હતી. IPLમાં રાજસ્થાન રોયલ્સ તરફથી સૌથી વધુ વિકેટ લેવાનો રેકોર્ડ હાલમાં સિદ્ધાર્થ ત્રિવેદીના નામે છે જેણે 76 મેચમાં 65 વિકેટ ઝડપી છે. બીજા સ્થાન પર શેન વોટસનનું નામ છે જેણે 78 મેચમાં 61 વિકેટ લીધી છે.

Keep calm and believe in this man! 💗 pic.twitter.com/pK8PVpNcht

— Rajasthan Royals (@rajasthanroyals) April 10, 2024

વધુ વાંચો : મુંબઈ ઈન્ડિયન્સને માંડમાંડ મળી પહેલી જીત, પણ હાર્દિક પંડ્યા માટે મોટું ટેન્શન હજુ બાકી

ચહલ 200 વિકેટના ટાર્ગેટથી માત્ર 3 પગલાં દૂર છે

IPLમાં સૌથી વધુ વિકેટ લેવાના મામલે યુઝવેન્દ્ર ચહલ હાલમાં પ્રથમ સ્થાન પર છે, જેમાં તેણે 150 મેચ રમીને 21.25ની એવરેજથી 197 વિકેટ લીધી છે. હવે ચહલ IPLમાં 200 વિકેટ પૂરી કરવાના આંકડાથી માત્ર 3 પગલાં દૂર છે. જો ચહલ આ સિદ્ધિ હાંસલ કરવામાં સફળ રહેશે તો તે IPLમાં આ ઈતિહાસ રચનાર પ્રથમ ખેલાડી પણ બની જશે. રાજસ્થાન રોયલ્સ ટીમ આ સિઝનમાં તેની આગામી મેચ 13 એપ્રિલે પંજાબ કિંગ્સ સામે રમવાની છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો