IPL 2024 / ક્રિકેટ રસિયાઓને મોજ! IPLની 17મી સિઝનનું આયોજન ભારતમાં જશે, આ તારીખે ફાઈનલ

• લોકસભા ચૂંટણીને લીધે વિદેશમાં શિફ્ટ નહીં થાય IPL
• IPLની 17મી સીઝનનું આયોજન ભારતમાં જ થશે
• 26 મેનાં રોજ સંભવત: IPLની ફાઈનલ મેચ રમાઈ શકે છે

ઈન્ડિયન પ્રીમિયર લીગ IPLની 17મી સીઝનનું આયોજન ભારતમાં જ થશે. IPLનાં ચેરમેન તરફથી આ વાત અંગે સ્પષ્ટતા કરી દેવામાં આવી છે. લોકસભાની ચૂંટણીને લીધે આઈપીએલની આ વર્ષની મેચ UAE અથવા તો દક્ષિણ આફ્રીકામાં રમાશે તેવી અટકળો લગાડવામાં આવી રહી હતી પણ હવે આ તમામ અંદાજાઓ પર પૂર્ણવિરામ લાગ્યું છે. ચેરમેન તરફથી સ્પષ્ટતા કરવામાં આવી કે IPLની 17મી સીઝન ભારતમાં જ રમાશે અને સીઝનની ફાઈનલ મેચ 26 મેનાં રોજ રમાઈ શકે છે. જો કે હજુ સુધી ફાઈનલ તારીખ જાહેર નથી કરવામાં આવી. પણ ટી20 વર્લ્ડ કપ શરૂ થવા પહેલાં BCCI ટીમ ઈન્ડિયાનાં ખેલાડીઓને 8-10 દિવસનો બ્રેક આપવા ઈચ્છે છે.

લોકસભા ચૂંટણીની તારીખો બાદ લેવાશે નિર્ણય
મીડિયા સૂત્રો અનુસાર IPL ચેરમેન અરુણ ધૂમલે 17મી સીઝનનું આયોજન ભારતમાં જ થવાનો દાવો કર્યો છે. અરુણ ધૂમલે કહ્યું- "IPLની 17મી સીઝન ભારતમાં જ રમાશે. BCCI ટૂંક જ સમયમાં આઈપીએલ 17મી સીઝનની તારીખોનું એલાન કરશે. અમે લોકસભા ચૂંટણીની રાહ જોઈ રહ્યાં છે. જેવી લોકસભા ચૂંટણીની જાહેરાત થશે એ બાદ અમે IPLની 17મી સીઝનનું શિડ્યૂલ તૈયાર કરી દેશું."

વિદેશમાં નહીં શિફ્ટ થાય ટૂર્નામેંટ
મીડિયા સૂત્રો અનુસાર 26 મે સુધી આઈપીએલ 17મી સીઝનની ફાઈનલ મેચ રમાઈ શકે છે કારણકે ટી20 વર્લ્ડ કપની શરૂઆત 5 જૂન થવાની છે તેથી BCCI ખેલાડીઓને તૈયારી માટે 8-10 દિવસનો સમય આપી શકે છે. જો કે આ અંગે હજુ સુધી કોઈ સત્તાવાર જાહેરાત નથી કરવામાં આવી. 

વધુ વાંચો: IPL 2024: રોહિત શર્મા, સૂર્યા અને બુમરાહ છોડી દેશે મુંબઈ ઈન્ડિયન્સ? જાણો કેમ લાગી રહી છે અટકળો

તેવામાં લોકસભા ચૂંટણીનાં કારણે IPLની આ સીઝન વિદેશમાં શિફ્ટ થવાની ચર્ચા ચાલી રહી હતી. કારણકે 2009માં લોકસભા ચૂંટણી દરમિયાન IPLની બીજી સીઝનનું આયોજન દક્ષિણ આફ્રીકામાં થયું હતું. જ્યારે 2014માં પણ લોકસભા ચૂંટણીને લીધે IPLની ટૂર્નામેંટ UAE શિફ્ટ થઈ હતી. પણ આ વખતે 17મી ટૂર્નામેંટ વિદેશમાં શિફ્ટ નહીં થાય તે વાતની પુષ્ટિ થઈ ચૂકી છે.