દિલ્હી કેપિટલ્સની ટીમ માટે શિખર ધવને શાનદાર ઇનિંગ્સ રમતા માત્ર 49 બોલમાં 92 રન બનાવ્યા હતા
પંજાબની સતત બીજી હાર
દિલ્હીએ 6 વિકેટથી મેળવી જીત
શિખર ધવનની શાનદાર બેટિંગ
દિલ્હી કેપિટલ્સની ટીમ માટે શિખર ધવને શાનદાર ઇનિંગ્સ રમતા માત્ર 49 બોલમાં 92 રન બનાવ્યા હતા અને ટીમને વિશાળ લક્ષ્યાંક હાંસલ કરવામાં મદદ કરવામાં મુખ્ય ભૂમિકા ભજવી હતી. આ ઇનિંગ્સ માટે તેને મેન ઓફ ધ મેચનો એવોર્ડ મળ્યો હતો. ઉપરાંત, ગબ્બરે ઓરેન્જ કેપ પણ મેળવી હતી.
પંજાબ કિંગ્સ અને દિલ્હી કેપિટલ્સ વચ્ચે આઈપીએલ 2021ની 11 મી મેચમાં રિષભ પંતની ટીમે 6 વિકેટથી વિજય મેળવ્યો છે. પંજાબ કિંગ્સને તેની સતત બીજી હારનો સામનો કરવો પડ્યો છે.
દિલ્હી કેપિટલ્સએ 18.2 ઓવરમાં 4 વિકેટ ગુમાવીને 196 રનનો વિશાળ લક્ષ્યાંક પૂર્ણ કર્યો. શિખર ધવને શાનદાર બેટિંગ કરતા માત્ર 49 બોલમાં 92 રનની શાનદાર ઇનિંગ્સ રમી હતી. આ દરમિયાન તેણે 13 ચોગ્ગા અને 2 છગ્ગા ફટકાર્યા હતા.
પંજાબ કિંગ્સે નિર્ધારિત 20 ઓવરમાં 4 વિકેટ ગુમાવીને 195 રન બનાવ્યા હતા. પંજાબ તરફથી કેએલ રાહુલે 61 અને મયંક અગ્રવાલે 69 ઇનિંગ્સ રમી હતી. આ બંને વચ્ચે 122 રનની ભાગીદારી થઈ હતી. આ સિવાય કોઈ પણ બેટ્સમેન મોટી ઇનિંગ્સ રમી શક્યો નહીં.
દિલ્હી કેપિટલ્સના કેપ્ટન રિષભ પંતે ટોસ જીતીને પંજાબ કિંગ્સના કેપ્ટન કેએલ રાહુલને પહેલા બેટિંગ માટે આમંત્રણ આપ્યું હતું. પંતનો નિર્ણય દિલ્હી માટે ફાયદાકારક સાબિત થયો અને તેણે સરળતાથી 19 મી ઓવરમાં આ વિશાળ લક્ષ્યને મેળવી લીધો હતો.