સૈન્ય તાકાત / તેજીથી ભાગી રહેલા દુશ્મનને ક્ષણવારમાં ભોંયભેગા કરી દેશે ભારત, QRSAM મિસાઇલનું છઠ્ઠુ સફળ પરીક્ષણ

• DRDOએ ક્વિક રિએક્શન સરફેસ ટુ એર મિસાઈલનું સફળતાપૂર્વક પરીક્ષણ કર્યું
• ઓડિશાના ચાંદીપુરથી ઇન્ટિગ્રેટેડ ટેસ્ટિંગ રેન્જ પરથી 6 મિસાઇલો છોડવામાં આવી 
• તેજીથી ભાગી રહેલા દુશ્મનને ક્ષણવારમાં ભોંયભેગા કરી દેશે ભારત 

ભારતીય સેના અને ભારતીય સંરક્ષણ સંશોધન અને વિકાસ સંગઠન (DRDO) એ આજે 8 સપ્ટેમ્બરે ક્વિક રિએક્શન સરફેસ ટુ એર મિસાઈલ (QRSAM) નું સફળતાપૂર્વક પરીક્ષણ કર્યું હતું. ઓડિશાના ચાંદીપુર ખાતે ઇન્ટિગ્રેટેડ ટેસ્ટિંગ રેન્જ પરથી છ મિસાઇલો છોડવામાં આવી હતી. મિસાઇલોને ફાયરિંગ કરતી વખતે તે જોવામાં આવ્યું હતું કે, તે ઝડપથી નજીક આવતા લક્ષ્યો પર ચોકસાઈ સાથે હુમલો કરવામાં સક્ષમ છે કે નહીં ? જોકે ટેસ્ટ દરમ્યાન વિવિધ પરિસ્થિતિઓનું નિર્માણ થયું હતું. જેમાં દુશ્મનના હવાઈ નિશાને તેજ ઝડપે આવે છે. તેને દૂર કરવા માટે QRSAM શરૂ કરવામાં આવ્યું છે. 

આ સમીક્ષા દરમ્યાન લોન્ગ રેન્જ મીડિયમ એલ્ટિટ્યુડ, શોર્ટ રેન્જ, હાઈ એલ્ટિટ્યુડ મેન્યુવરિંગ ટાર્ગેટ, લો રડાર સિગ્નેચર, ક્રોસિંગ ટાર્ગેટ અને સર્વાઈવલ અને એક પછી એક બે મિસાઈલ ફાયર કરીને લક્ષ્યોને નાબૂદ કરવામાં આવ્યા હતા. આ ટેસ્ટ દિવસ અને રાત્રિ એમ બંને સ્થિતિમાં હાથ ધરવામાં આવ્યો હતો. ક્વિક રિએક્શન સરફેસ ટુ એર મિસાઇલ (QRSAM) તમામ ધોરણોને પૂર્ણ કરે છે. ચોકસાઇ સાથે લક્ષ્ય પર હુમલો કર્યો. 

The uniqueness of the QRSAM weapon system is that it can operate on the move with search and track capability & fire on short halt. This has been proven during the mobility trials conducted earlier

— ANI (@ANI) September 8, 2022

મહત્વનું છે કે, આ દરમ્યાન મિસાઈલની વોરહેડ ચેઈનની પણ તપાસ કરવામાં આવી હતી. તમામ પરીક્ષણો પછી, તે પુષ્ટિ કરવામાં આવી હતી કે, ભારતીય QRSAM સિસ્ટમ શ્રેષ્ઠ, ઘાતક, ઝડપી અને સચોટ છે. ડીઆરડીઓએ ફ્લાઇટ ટેસ્ટ દરમ્યાન ટેલિમેટ્રી, રડાર અને ઇલેક્ટ્રો-ઓપ્ટિકલ ટ્રેકિંગ સિસ્ટમની પણ તપાસ કરી હતી. જેથી જાણી શકાય કે આ તમામ મિસાઈલો અને દુશ્મનના નિશાનને યોગ્ય રીતે ટ્રેક કરી રહ્યાં છે કે નહીં. બધી સિસ્ટમ સારી રીતે કામ કરી રહી હતી.

#DRDOUpdates | DRDO & Indian Army successfully conduct six flight-tests of Quick Reaction Surface to Air Missile system off Odisha coast #AtmanirbhartaIndefence https://t.co/XSWmLmIXLh@PMOIndia @DefenceMinIndia @SpokespersonMoD pic.twitter.com/jrKG4AbV3X

— DRDO (@DRDO_India) September 8, 2022

નોંધનીય છે કે, આ પરીક્ષણો પછી, QRSAM સેનાને સોંપવામાં આવશે. આ મિસાઇલોમાં સ્વદેશી રેડિયો ફ્રીક્વન્સી સીકર્સ છે. આ સિસ્ટમ સિવાય મોબાઈલ લોન્ચર, ઓટોમેટેડ કમાન્ડ એન્ડ કંટ્રોલ સિસ્ટમ, સર્વેલન્સ અને મલ્ટી-ફંક્શન રડાર છે, આ મિસાઈલ ફાયર કર્યા પછી તમે ભૂલી જાઓ છો. તે તેના લક્ષ્યનો પીછો કરીને મારી નાખે છે. મિસાઈલની આ ક્ષમતાનું આજે આયોજિત પરીક્ષણ દરમિયાન સફળતાપૂર્વક પરીક્ષણ કરવામાં આવ્યું હતું.

ભારતીય સ્વદેશી ક્વિક રિએક્શન સરફેસ ટુ એર મિસાઇલ 

ભારતીય સ્વદેશી ક્વિક રિએક્શન સરફેસ ટુ એર મિસાઇલ (QRSAM)ની ટોચ ઉપર  HMX/TNT અથવા પ્રી-ફ્રેગમેન્ટેડ વોરહેડ્સ લગાવી શકાય છે. વોરહેડનું વજન 32 કિલો સુધી હોઇ શકે છે. આ મિસાઈલ 3 થી 30 કિમીની રેન્જ ધરાવે છે. આ મિસાઈલ 3 થી 30 કિમીની રેન્જ ધરાવે છે. તે 98 ફૂટની ઊંચાઈથી 33 હજાર ફૂટની ઊંચાઈ સુધી જઈ શકે છે.તેની મહત્તમ ઝડપ મેક 4.7 એટલે કે 5757.70 કિલોમીટર પ્રતિ કલાક છે. તેને છ ટ્યુબ લોંચર ટ્રકમાંથી ફાયર કરી શકાય છે.