ભારત પાક તણાવ / VIDEO : આવું થયું હોત તો હાહાકાર મચેત! યુદ્ધમાં પાકિસ્તાને આ ખતરનાક પ્લાન કર્યો હતો, વીડિયો જાહેર

પહેલગામ હુમલા બાદ 7મેના દિવસે ભારત અને પાકિસ્તાન વચ્ચે શરુ થયેલા યુદ્ધમાં પાકિસ્તાને એક ખતરનાક પ્લાન તૈયાર કરી રાખ્યો હતો. ઈન્ડિયન આર્મીના જણાવ્યાનુસાર, પાકિસ્તાનના ટાર્ગેટ પર અમૃતસરનું ગોલ્ડન ટેમ્પલ હતું, પાકિસ્તાન ગોલ્ડન ટેમ્પલને ઉડાવી મૂકવા ડ્રોઈ મિસાઈલ પણ લોન્ચ કરી રાખી હતી પરંતુ ઈન્ડિયન એરફોર્સે તેને હવામાં જ ઉડાવી દીધી હતી.

ઈન્ડિયન આર્મીએ કેવી રીતે બચાવ્યું ગોલ્ડન ટેમ્પલને?

ઈન્ડિયન આર્મીએ આકાશ મિસાઇલ સિસ્ટમ, L-70 એર ડિફેન્સ ગનનો ઉપયોગ કરીને ગોલ્ડન ટેમ્પલ પરનો પાકિસ્તાની એટેક નિષ્ફળ બનાવ્યો હતો. સેનાના જણાવ્યા અનુસાર, 8 મેના રોજ વહેલી સવારે પાકિસ્તાન દ્વારા કરવામાં આવેલા "મોટા હવાઈ હુમલા"માં સુવર્ણ મંદિર મુખ્ય ટાર્ગેટ હતું. મેજર જનરલ શેષાદ્રીએ જણાવ્યું હતું કે, ગુપ્તચર માહિતીમાં ધાર્મિક સ્થળો પર સંભવિત હુમલાઓની ચેતવણી આપવામાં આવી હતી, જેના પગલે સેનાએ સુવર્ણ મંદિરને એર ડિફેન્સ કવર આપ્યું હતું. સોમવારે સેનાએ એક પ્રદર્શન રજૂ કર્યું હતું જેમાં આકાશ મિસાઇલ સિસ્ટમ, L-70 એર ડિફેન્સ ગન સહિત ભારતીય વાયુ સંરક્ષણ પ્રણાલીઓએ અમૃતસરના સુવર્ણ મંદિર અને પંજાબના શહેરોને પાકિસ્તાની મિસાઇલ અને ડ્રોન હુમલાઓથી કેવી રીતે બચાવ્યા તેનું પ્રદર્શન કરવામાં આવ્યું હતું.

વધુ વાંચો : પાક. ગુપ્તચર અધિકારીઓ જ્યોતિ મલ્હોત્રાને શું કહેતા ખબર છે? હેરતમાં મૂકાશો, છોકરી જાણે તો લાજી મરે

ગોલ્ડન ટેમ્પલ પર એટેક અર્થાત દેશમાં હાહાકાર

જો પાકિસ્તાન ગોલ્ડન ટેમ્પલ પર હુમલો કરવામાં સફળ રહ્યું હોત તો દેશમાં હાહાકાર મચ્યો હોત. ગોલ્ડન ટેમ્પલ ખૂબ જાણીતું સ્થળ છે અને સર્વધર્મ સમભાવનું પ્રતિક છે. લાખો લોકો તેના દર્શને આવે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ