પરિપત્ર / લ્યો બોલો.! નિર્વિધ્ને જિલ્લા પંચાયત-તાલુકા પંચાયતના પ્રમુખના પ્રવાસન ભથ્થામાં ધરખમ વધારો, જુઓ કેટલો

• ગાંધીનગર : જિલ્લા પંચાયત અને તાલુકા પંચાયત પ્રમુખના ભથ્થામાં વધારો 
• પ્રવાસ ભથ્થામાં ધરખમ વધારો કરવાનો નિર્ણય લેવાયો
• જિલ્લા પ્રમુખને 80,000 અપાતા હતા જે 1.30 લાખ કરાયા

રાજ્યમાં જિલ્લા પંચાયત-તાલુકા પંચાયત પ્રમુખના ભથ્થામાં વધારો કરવાનો નિણર્ય કરવામાં આવ્યો છે. પ્રવાસન ભથ્થામાં ધરખમ વધારો કરાયો છે. જિલ્લા પ્રમુખના પ્રવાસન ભથ્થામાં 50 હજાર જેટલો જંગી વધારો કરાયો હોવાથી રોષ પણ જોવા મળી રહ્યો છે. જેના ભગરૂપે જિલ્લા પંચાયત પ્રમુખનું પ્રવાસન ભથ્થું જે અગાઉ રૂપિયા 80 હજાર હતું. તેમાં વધારો કરીને આ ભથ્થું  1.30 લાખ રૂપિયા કરી દેવામાં આવ્યું છે.

તાલુકા પ્રમુખના પ્રવાસન ભથ્થામાં રૂપિયા 20 હજારનો વધારો કરાયો

બીજી બાજુ તાલુકા પંચાયત પ્રમુખના પ્રવાસનના ભથ્થામા પણ વધારો કરાયો છે. જેમાં 20 હજારનો વધારો કરાતા તાલુકા પ્રમુખનું પ્રવાસન ભથ્થું જે અગાઉ રૂપિયા 40 હજાર હજાર હતું તે 60 હજાર સુધી પહોંચી ગયું છે. આ અંગે રાજ્યના પંચાયત ગ્રામ ગૃહનિર્માણ વિભાગ દ્વારા પરિપત્ર જારી કરવામાં આવ્યો છે.

મોંઘવારીને ધ્યાને લઇ લેવાયો નિણર્ય

મહત્વનું છે કે હાલની સ્થિતિએ વધતી જતી મોંઘવારીને ધ્યાને લઈને સરકાર દ્વારા આ નિર્ણય લેવામાં આવ્યો છે. હાલ પેટ્રોલ ડીઝલ તથા અન્ય મુસાફરીને આનુસંગિક ખર્ચ તથા મોંઘવારીના સૂચકઆંકોના વધારેને લઈને વાહનભથ્થાની રકમમાં વધારો કરવા અંગે વિચારણા કરવામાં આવી હતી. ત્યારબાદ રાજ્ય સરકાર દ્વારા આ અંગેનો નિર્ણય લેવામાં આવ્યો છે. જેનો હવે જિલ્લા અને તાલુકા પંચાયતના પ્રમુખને લાભ મળશે.