ક્રાઈમ / પાટણમા સરાજાહેર વરરાજાની હત્યા, કાલે લગ્ન હતા આજે ખરીદીમા નીકળેલા યુવકને ધોળાદિવસે રહેંસી નંખાયો

• પાટણમાં લગ્નના એક દિવસ અગાઉ યુવકની જાહેરમાં હત્યા
• રાધનપુરનાં ચાર રસ્તા પાસે યુવકની જાહેરમાં હત્યા 
• વિપુલ ઠાકોર નામનાં યુવકની આવતીકાલે હતા લગ્ન

રાજ્યમાં દિવસેને દિવસે ક્રાઈમની ઘટનાઓ વધતી જતી હોય તેવુ વર્તમાનમાં જણાઈ રહ્યું છે, પોલીસની કડક કાર્યવાહી અને સતત પેટ્રોલિંગ હોવા છતા ગુનેગારો બેફામ બનતા હોય તેવું જણાઈ રહ્યું છે. ત્યારે ફરી એકવાર દિન દહાડે હત્યાની ઘટના સામે આવી છે. પાટણમાં લગ્નના એક દિવસ અગાઉ યુવકની જાહેરમાં બજારની વચ્ચોવચ હત્યા કરાઈ હોવાનું જાણવા મળ્યું છે. 

છરીના ઘા ઝીંકીને જાહેરમાં હત્યા કરી
પાટણમાં લગ્નના એક દિવસ અગાઉ યુવકની જાહેરમાં હત્યા કરાઈ છે. પાપ્ત વિગતો મુજબ રાધનપુરના ચાર રસ્તા પાસે યુવકની જાહેરમાં હત્યા કરાઈ છે, જેની હત્યા થઈ છે તેમનું નામ વિપુલ ઠાકોર છે અત્રે ઉલ્લેખનીય છે કે, વિપુલ તેના લગ્નની ખરીદી કરવા માટે બજારમાં આવ્યો હતો ત્યારે આ ઘટના બની છે તેમજ તેના આવતીકાલે લગ્ન હતાં. અજાણ્યા શખ્સોએ છરીના ઘા ઝીંકીને જાહેરમાં હત્યા કરી છે

લગ્નના એક દિવસ પહેલા હત્યા
પોલીસે ઘટનાસ્થળે પહોચીને સમગ્ર મામલે કાર્યવાહી હાથધરી છે તેમજ ફરાર હત્યારાઓને શોધવા પોલીસે ચક્રો ગતિમાન કર્યા છે. યુવકની હત્યા પાછળનું કારણ હજુ સુધી જાણવા મળ્યું નથી. જો કે, પરિવારમાં લગ્નની ખુશી પહેલા કરુણીતીકા સર્જાઈ છે તેમજ સમગ્ર પંથકમાં સન્નાટો વ્યાપી જવા પામ્યો છે