બ્રેકિંગ ન્યુઝ

logo

VTV / ગુજરાત / અમદાવાદના સમાચાર / In Ahmedabad the youth threatened to suspend the police personnel from their jobs

કાર્યવાહી / નોકરી પરથી ઉતારી દઈશ, તમારી હેસિયત શું છે', દરિયાપુર પોલીસ સ્ટેશનમાં નંબર પ્લેટ વગરનું વાહન લઈ ફરનારા યુવકે ‘ધમાલ’ મચાવી

Mahadev Dave

Last Updated: 10:17 PM, 25 May 2023

logo

FOLLOW ON

logo

શેર કરો

logo logo logo
article-logo

અમદાવાદમાં નંબર પ્લેટ વગરનું વાહન લઈ ઘૂમતા શખ્સે પોલીસ કર્મચારીઓને નોકરી પરથી ઉતારી દેવાની ધમકી આપી હતી.

  • નંબર પ્લેટ વગરનું વાહન લઈ ફરનારા યુવકે ગામ માથે લીધું
  • 'હું મીડિયામાં છું પટ્ટા ઉતારી નાખીશ' કહી ધમાલ મચાવી
  • નંબર પ્લેટ કેમ નથી લગાવી તેવું પોલીસ કર્મચારીએ પૂછતાં મામલો બીચક્યો

અમદાવાદના દરિયાપુર પોલીસ સ્ટેશનમાં નંબર પ્લેટ વગરનું વાહન લઇને પહોંચી ગયા બાદ યુવકે ધમાલ મચાવતાં મામલો બીચક્યો છે. પોલીસ કર્મચારીએ યુવકને વાહનમાં નંબર પ્લેટ કેમ નથી લગાવી તેમ પૂછતાંની સાથે જ યુવકે પોલીસ સ્ટેશન માથે લીધું હતું. પોલીસ કર્મચારીઓને નોકરી પરથી ઉતારી દેવાની ધમકી આપી અને તેમને હડધૂત કરતાં યુવક વિરુદ્ધ પોલીસ ફરિયાદ નોંધાઇ છે. 

પોલીસ કર્મચારીને ધમકાવ્યો હોવાની રાવ

પોલીસ કોન્સ્ટેબલ રાજુભાઇએ દરિયાપુર પોલીસ સ્ટેશનમાં ઇમરાન અનવર શેખ (રહે. સુલતાન મહોલ્લો, દ‌િરયાપુર) વિરુદ્ધ ધમકી તેમજ ફરજ પર અડચણની ફરિયાદ કરી છે. રથયાત્રા નજીક આવી રહી છે ત્યારે કોઇ અનિચ્છનીય બનાવ બને નહીં તેમજ શહેરમાં ચેઇન સ્નેચિંગ, લૂંટ સહિતના ગુના રોકવા માટે પોલીસની ગઇ કાલે ડ્રાઇવ હતી. આ દરમિયાન એક યુવક નંબર પ્લેટ વગરનું વાહન લઇ દરિયાપુર પોલીસ સ્ટેશન પહોંચી ગયો હતો. પોલીસ સ્ટેશનમાં ફરજ બજાવતા પીએસઓ યુવકનું ટુવ્હીલર જોઇ ત્યાં પહોંચી ગયા હતા. ટુવ્હીલરમાં નંબર પ્લેટ નહીં લગાવી હોવાના મામલે પોલીસ કર્મચારીએ યુવકને પૂછતાં તે ઉશ્કેરાઇ ગયો હતો અને ગાળો બોલીને આખું પોલીસ સ્ટેશન માથે લીધું હતું. હું મીડિયામાં છું, તમારા પોલીસની ઓકાત જ નથી મારી ગાડી ચેક કરવાની તેમ કહી યુવક પોલીસ કર્મચારીને ધમકાવવા લાગ્યો હતો. 

ડેકીમાંથી નંબર પ્લેટ મળી આવી

આ ઘટના જોઇ બીજા પોલીસ કર્મચારીઓ દોડી આવ્યા હતા અને યુવક પાસેથી ટુવ્હીલરની ચાવી લઇને ડેકી ચેક કરી હતી. યુવકની ડેકીમાંથી નંબર પ્લેટ મળી આવી હતી, જેથી પોલીસ કર્મચારીઓએ નંબર પ્લેટ કેમ નહીં લગાવી હોવાનું પૂછ્યું હતું. પોલીસ કર્મચારીઓનો સવાલ સાંભળીને યુવક ઉશ્કેરાયો હતો અને જોરજોરથી બોલવા લાગ્યો હતો કે તમારી હેસિયત શું છે કે મારી પાસે લાઇસન્સ અને ગાડીના કાગળો માગો છો. યુવકે પોલીસ કર્મચારીઓને કહ્યું હતું કે તમે ગરીબ માણસોનાં વાહનો ખોટાં ખોટાં જમા લો છો અને પબ્લિકને હેરાન કરો છો. પોલીસ કર્મચારીઓએ યુવકની અટકાયત કરી લીધી હતી, જ્યાં તેણે નોકરી પરથી ઉતારી દેવાની ધમકી આપી હતી. યુવકનું નામ ઇમરાન શેખ છે અને દરિયાપુર પોલીસે તેના વિરુદ્ધ ગુનો દાખલ કર્યો છે.

સંકળાયેલા મુદ્દાઓ

ahemadabad suspend અમદાવાદ ક્રાઈમ ન્યૂઝ દરિયાપુર પોલીસ Ahmedabad Crime News
background
logo

VTV Gujarati

WhatsApp Channel Invite

સબસ્ક્રાઇબ કરો

દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.

logo

સૌથી વધુ વંચાયેલું

ADVERTISEMENT

log

હોમ પેજ

log

બ્રેકિંગ ન્યુઝ

log

વીડિયોઝ

log

વેબ સ્ટોરીઝ

log

મેનુ