ક્રાઈમ / અમદાવાદમાં કોઈ સરનામું પૂછે તો ચેતજો, નકલી પૂજારી અને ખાદીમ બની લૂંટ મચાવતી ટોળકીના 3 ઝબ્બે, આવી રીતે દાગીના સેરવતા

Dinesh

Last Updated: 09:44 PM, 21 August 2023

FOLLOW ON

શેર કરો

Ahmedabad news : અમદાવાદ અને રાજ્યના અનેક વિસ્તારોમાં લૂંટારૂ ટોળકી પૂજારી અથવા ખાદીમ બનીને ત્રાટકતી અને એડ્રેશ પૂછવાના બહાને લોકોની સાથે સંપર્ક કરતી હતી

નકલી પૂજારી બની લૂંટ મચાવતી ટોળકી
એક મહિલા સહિત 3ની કરાઈ ધરપકડ
વસ્ત્રાપુર પોલીસે ઝડપી પાડી આ ટોળકી

તમારી આસ્થાનો કોઈ દુરુપયોગ કરી તમને લૂંટી ન જાય તેનું ધ્યાન રાખજો. અમદાવાદના વસ્ત્રાપુર પોલીસ ત્રણ લૂંટના આરોપીઓને દબોચી લીધા છે જેમાં એક મહિલા, બે પુરુષો છે. જેમણે અત્યાર સુધીમાં નકલી પૂજારી બનીને અનેક લોકોને છેતરી લૂંટ મચાવી છે.

પૂજારી અને ખાદીમ બની મચાવતા લૂંટ
અમદાવાદ અને રાજ્યના અનેક વિસ્તારોમાં આ ટોળકી પૂજારી અથવા ખાદીમ બનીને ત્રાટકતી અને એડ્રેશ પૂછવાના બહાને લોકોની સાથે સંપર્ક કરતી હતી. ત્યાર બાદ વિધિના નામે ફસાયેલા લોકો પાસે દાગીના ઉતરાવીને તેમને છેતરી ફરાર થઈ જતાં હતા. આ ત્રણેય લૂંટારી ટોળકીમાં પતિ-પત્ની અને જમાઈ હોવાનું પણ ખુલ્યું છે. જેમના નામ ઇકબાલ શેખ,સલમા શેખ અને હૈદર શેખ છે. આ ત્રણેય આરોપી મુસ્લિમ ધર્મના છે પરંતુ હિંદુ વિસ્તારમાં જઈને પૂજારીને પહેરવેશ ધારણ કરી લેતા હતા અને પાવાગઢ મંદિરના પૂજારી બની જતા હતાં.

પોલીસે દબોચી લીધા
જ્યારે મુસ્લિમ વિસ્તારમાં જાય ત્યારે ગરીબનવાઝ દરગાહના ખાદીમ બનીને ઠગાઈ કરતા હતા. પરંતુ આ ટોળકીની લૂંટ અંગે બાતમી મળતા જ અમદાવાદ LCBની ટીમે ત્રણેયને ઝડપી પાડ્યા છે. એટલું જ નહીં આ ટોળકી ઝડપાતા 8 ગુનાના ભેદ પણ ઉકેલાયા છે. જો તમારા વિસ્તારમાં આવા કોઈ ધૂતારા આવે તો તેના જાસામાં ન ફસાતા બાકી તમે પણ લૂંટાઈ શકો છો.

સંકળાયેલા મુદ્દાઓ

Ahmedabad news Crime News Vastrapur Police આરોપીઓની ધરપકડ નકલી પૂજારી Ahmedabad Crime News