આ પણ જાણી લો / આવા સંકેતો જો ઘ્યાનમા રાખો તો કિડની બિમારીના ખતરામાથી બચી શકાય છે

• આવા સંકેતો જો ઘ્યાનમા રાખો તો કિડની બિમારીના ખતરામાથી બચી શકાય
• બ્લડ પ્રેસરને નિયંત્રિત કરવામાં પણ મહત્વનું કામ કરે છે

કિડની એ આપણા શરીરમાં ખૂબ જ અગત્યના અંગમાંથી એક છે. શરીરમાંથી કચરો કે નકામા પદાર્થને બહાર કાઢવાનું કામ કિડની કરે છે. આ ઉપરાંત લોહીને પણ સાફ કરવાનું કામ કિડની કરે છે. તેથી જ તો કિડનીને સૌથી મહત્વનું અંગ ગણવામાં આવે છે. જો કિડની યોગ્ય રીતે કામગીરી કરતી બંધ થઈ જાય તો શરીરમાં નકામો કચરો બહાર નીકળવાનો બંધ થઈ જાય છે તેમજ લોહી શુદ્ધ થવાનું પણ બંધ થઈ જાય છે. જેના કારણે શરીરમાં ભેગા થતા કચરાના કારણે અનેક પ્રકારની બીમારી થવાની શરૂઆત થાય છે.

લાલ રક્તકણોની રચના કરવાનું 

આપણા શરીરમાં હૃદય, મગજ અને ફેફસાની જેમ કિડની પણ એકંદર આરોગ્ય જાળવવાનું કામ કરે છે. કિડનીના મુખ કાર્યની વાત કરીએ તો લોહીને શુદ્ધ કરવાનું અને પેશાબ મારફત શરીરમાંથી નકામા કચરા કે પદાર્થોને બહાર કાઢવાનું છે. આ ઉપરાંત બ્લડ પ્રેસરને નિયંત્રિત કરવામાં પણ મહત્વનું કામ કરે છે. તેમજ લાલ રક્તકણોની રચના કરવાનું પણ કામ કરે છે. જ્યારે કિડનીમાં કોઈ સમસ્યા આવે છે ત્યરે કેટલાક સંકેતો આપવાનું શરૂ કરે છે. ત્યરે આજે આપણે આ સંકેતો વિશે વિગતવાર ચર્ચા કરીશું.

પગ, ચહેરા અને આંખોમાં સોજો આવવો
જ્યારે પણ કિડની તેમનું કામ કરતી બંધ થઈ છે ત્યારે તેના કારણે શરીરના કેટલાક ભાગમાં સોજા આવે છે. જેમાં ચહેરા, આંખ, પગ જેવા ભાગમાં સોજો આવે છે. આ સોજો આવવાનું કારણ જાણીએ તો શરીરમાંથી કચરો બહાર નીકળવાનો બંધ થઈ જાય છે ત્યારે પાણી અને મીઠાની સાથે ઝેર શરીરની પેશીઓમાં જમા થવા લાગે છે. આમ થવાથી શરીરમાં સ્તર વધવા લાગે છે અને ચહેરા પગ અને આંખની આસપાસ સોજો આવવા લાગે છે.