ગાંધીનગર / BIG NEWS: IAS રાજકુમારનું દિલ્હીથી ગાંધીનગરમાં ટ્રાન્સફર, ગૃહવિભાગમાં ACS તરીકે નિમણૂક

• ગુજરાતના નવા ગૃહસચિવ બન્યા રાજકુમાર
• રાજકુમારની ગૃહવિભાગના ACS તરીકે નિમણૂંક 
• સોમવારે વિધિવત રીતે સંભાળશે ચાર્જ 

કેન્દ્ર સરકારે IAS રાજકુમારની ગુજરાતના ગૃહવિભાગના ACS તરીકે નિમણૂંક કરી છે, અગાઉ રાજીવ ગુપ્તા પાસે વધારાનો હવાલો હતો 1987 બેચના IAS રાજકુમાર ડેપ્યુટશન પર દિલ્હી ખાતે ફરજ બજાવતા હતા. રાજ્ય સરકારની ભલામણ બાદ રાજકુમારની સત્તાવાર નવા ગૃહ સચિવ તરીકે નિમણૂંક કરાઈ છે.  

રાજકુમારની ગૃહવિભાગના ACS તરીકે નિમણૂંક 

ગુજરાત કેડરના સિનિયર અધિકારી રાજકુમારને ગુજરાત કેડરમાં પરત મૂકતા સચિવાલયમાં પણ ભારે હલચલ શરૂ થઈ હતી મહત્વનું છે કે ગુજરાતમાં મંત્રી મંડળમાં જે રીતે ફેરફાર કરવામાં આવ્યા છે તેમ હવે વહીવટી તંત્રમાં પણ વ્યાપક સ્તરે ફેરફારો થાય તેવા અણસાર દેખાઈ રહ્યા છે તે અંગે ઉચ્ચત્તમ સ્તરે નિર્ણય લેવાય તેવી શક્યતા જોવા મળી રહી છે.

સોમવારે વિધિવત રીતે સંભાળશે ચાર્જ 

ઉલ્લેખનીય છે કે, રાજકુમાર ભૂતકાળમાં ગૃહવિભાગમાં કામ કરી ચૂક્યાં છે. તેઓને ગુજરાતના પૂર્વ મુખ્યંત્રી અને હાલના વડાપ્રધાન નરેન્દ્ર મોદી અને અમિત શાહ ગૃહમંત્રી સાથે કામ કરવાનો પણ અનુભવ છે રાજકુમારની એક પ્રામાણિક છબી ધરાવે છે, તેમજ તેઓ અભ્યાસુ અને મહેનતુ અધિકારી તરીકેની પણ એક સારી ઓખળ ધરાવે છે.મહત્વનું છે કે ભાજપ સંગઠનમાં વહીવટી અધિકારીઓ સામે અનેક ફરિયાદો ઉઠી રહી છે ત્યારે વહીવટી તંત્રમાં પણ મોટા નિર્ણય લેવાય તેવા એંધાણ વર્તાઈ રહ્યા છે.