દેશ / હું ખ્રિસ્તી છું પણ મને હિન્દુ ધર્મથી લગાવ છે...: સુપ્રીમ કોર્ટના જજે કેમ કહી આવી વાત?

• સુપ્રીમ કોર્ટનાં જજે હિંદૂ ધર્મનાં કર્યાં વખાણ
• કહ્યું હું ઈસાઈ છું છતાં મને હિંદૂ ધર્મ સાથે લગાવ છે
• દેશનાં સ્થાનોનાં પુનર્નામકરણ માટેની અરજી પર સુનાવણી

સુપ્રીમ કોર્ટનાં જજ કે.એમ.જોસેફે કહ્યું કે તે ઈસાઈ છે પરંતુ તેમ છતાં તેમને હિન્દૂ ધર્મ સાથે લગાવ છે. આ સાથે જ તેમણે કહ્યું કે હિન્દૂ એક મહાન ધર્મ છે અને તેને નીચું ન બતાડવું જોઈએ. 

પુનર્નામકરણ આયોગનાં ગઠન માટે અરજી
જસ્ટિસ કે.એમ.જોસેફે આ ટિપ્પણી જનહિત અરજીની સુનાવણી દરમિયાન કરી જેમાં દેશમાં ક્રૂર આક્રમણકારીઓએ દેશનું નામ જે પ્રાચિન, સાંસ્કૃતિક અને ધાર્મિક સ્થાનોનાં નામ બદલવામાં આવ્યાં હતાં તેમના મૂળ નામ ફરી રાખવા માટે પુનર્નામકરણ આયોગનાં ગઠન માટે અનુરોધ કરવામાં આવ્યો હતો. જસ્ટિસ જોસેફની આગેવાનીવાળી પીઠમાં જસ્ટિસ બી.વી. નાગરત્ન પણ શામેલ હતાં.

હિંદૂ ધર્મ પર ગર્વ હોવો જોઈએ- જજ
જસ્ટિસ કે.એમ.જોસેફે કહ્યું કે હું ઈસાઈ છૂં તેમ છતાં મને હિન્દૂ ધર્મ સાથે લગાવ છે જે એક મહાન ધર્મ છે અને તેને નીચું ન બતાવવું જોઈએ. હિંદૂ ધર્મ જે ઊંચાઈ પર પહોંચ્યું છે અને ઉપનિષદો, વેદો તેમજ ભગવદ્ગીતામાં જે ઉલ્લેખ કરવામાં આવ્યો છે, કોઈપણ વ્યવસ્થા તેના સુધી નથી પહોંચી શકી. હિંદૂ ધર્મ આધ્યાત્મ જ્ઞાનમાં ઊંચાઈઓ પર પહોંચ્યું છે. આપણને આ મહાન ધર્મ પર ગર્વ થવો જોઈએ અને આપણને તેને નીચું ન બતાવવું જોઈએ.

ડો.એસ.રાધાકૃષ્ણનનું પુસ્તક વાંચવાની સલાહ
સુનાવણી દરમિયાન જસ્ટિસ કે.એમ.જોસેફે હિંદૂ ધર્મનાં દર્શન પર ડો. એસ. રાધાકૃષ્ણનનું પુસ્તક વાંચવાની સલાહ પણ આપી. તેમણે કહ્યું કે આપણને આપણી મહાનતા પર ગર્વ થવો જોઈએ અને આપણી મહાનતા આપણને ઉદાર બનાવે છે. હું તેને વાંચવાનો પ્રયત્ન કરું છું તમને પણ હિંદૂ ધર્મનાં દર્શન પર ડો. એસ. રાધાકૃષ્ણનનું પુસ્તક વાંચવું જોઈએ.