મનોરંજન / કૉમેડી કા ડબલ ડૉઝ 'Housefull 5' પડદા પર ધૂમ મચાવવા તૈયાર, જાણો ક્યારે થશે રિલીઝ, અક્ષયે આપ્યો સમય

• અક્ષય કુમારની છેલ્લી કેટલીક ફિલ્મો સતત ફ્લોપ રહી છે
• અક્ષયે તેની આગામી ફિલ્મ 'હાઉસફુલ 5'ની જાહેરાત કરી
• અક્ષયે પોસ્ટર શેર કરીને આપી માહિતી 

અક્ષય કુમારની છેલ્લી કેટલીક ફિલ્મો સતત ફ્લોપ રહી છે.તેમને હવે એક હિટની સખત જરૂર છે. સતત ફ્લોપ રહ્યા બાદ હવે તેની ફિલ્મોને લઈને સવાલો ઉઠી રહ્યા છે.જો કે, તે કહે છે કે તેનાથી તેને બહુ ફરક પડતો નથી કારણ કે તે તેની કારકિર્દીમાં પહેલા પણ આવા સમયમાંથી પસાર થઈ ચૂક્યો છે. તેની ઘણી ફિલ્મો રિલીઝ થવાની કતારમાં છે. આ દરમિયાન શુક્રવારે અક્ષયે તેની આગામી ફિલ્મ 'હાઉસફુલ 5'ની જાહેરાત કરી છે. આ સાથે એ પણ જણાવવામાં આવ્યું છે કે ફિલ્મ ક્યારે આવશે.

ફિલ્મની કાસ્ટ અને ડિરેક્ટર
'હાઉસફુલ 5'માં અક્ષયની સાથે રિતેશ દેશમુખ પણ જોવા મળશે.બંનેએ અગાઉ 'હાઉસફુલ' ફ્રેન્ચાઈઝીમાં સાથે કામ કર્યું છે.બીજી સ્ટારકાસ્ટ વિશે ટૂંક સમયમાં માહિતી આપવામાં આવશે.સાજિદ નડિયાદવાલા આ ફિલ્મને પ્રોડ્યુસ કરશે. તેના ડાયરેક્ટર તરુણ મનસુખાની હશે. આ ફિલ્મ દિવાળી 2024માં સિનેમાઘરોમાં રિલીઝ થશે.

Get ready for FIVE times the madness! 💥

Bringing to y'all #SajidNadiadwala’s #Housefull5
Directed by @Tarunmansukhani

See you in cinemas on Diwali 2024! @Riteishd @NGEMovies @WardaNadiadwala pic.twitter.com/CbzMy0PxOO

— Akshay Kumar (@akshaykumar) June 30, 2023

અક્ષયે પોસ્ટર શેર કરીને આપી માહિતી 
પોસ્ટર શેર કરીને અક્ષય કુમારે કેપ્શનમાં લખ્યું, '5 ગણી વધુ ક્રેઝીનેસ માટે તૈયાર રહો. તમારી સમક્ષ પ્રસ્તુત છે સાજીદ નડિયાદવાલાની હાઉસફુલ. તેના નિર્દેશક તરુણ મનસુખાની છે. દિવાળી 2024માં થિયેટરોમાં મળીશું. અક્ષયે રિતેશ દેશમુખ, નડિયાદવાલા ગ્રાન્ડસન પ્રોડક્શન કંપનીને ટેગ કર્યા છે. 

અક્ષય પાસે ફિલ્મોની લાંબી યાદી 
અક્ષય કુમારની અન્ય ફિલ્મોની વાત કરીએ તો 'OMG 2' 11 ઓગસ્ટે રિલીઝ થશે. સની દેઓલ-અમિષા પટેલની 'ગદર 2' અને રણબીર કપૂર સ્ટારર 'એનિમલ' પણ તે જ દિવસે મોટા પડદા પર આવશે. આ સિવાય તેની પાસે 'ધ ગ્રેટ ઈન્ડિયન રેસ્ક્યુ', 'બડે મિયાં છોટે મિયાં', 'જોલી એલએલબી 3' અને 'હેરા ફેરી 3' છે.