અમદાવાદ / લોક અદાલતમાં થયું ઐતિહાસિક સમાધાન, અકસ્માતમાં પુત્ર ગુમાવનાર વિકલાંગ પિતાને 1.60 કરોડનું વળતર

• લોક અદાલતમાં અકસ્માત કેસનું કરાયું સમાધાન 
• દેશભરમાં 2021નની છેલ્લી લોકઅદાલતનું આયોજન
• અમદાવાદની લોક અદાલતમાં ઐતિહાસિક સમાધાન

આજે દેશભરમાં લોક અદાલતનું આયોજન કરવામાં આવ્યું ત્યારે આજે 2021ની છેલ્લી લોક અદાલત યોજાઈ હતી. ગુજરાતમાં પણ વિવિધ જિલ્લાઓમાં લોક અદાલત મળી હતી. જેમાં અલગ અગલ કેસોમાં સમાધાનકારી વલણ અપનાવી કેસનો નિકાલ કરવામાં આવ્યો હતો. 

લોક અદાલતમાં અકસ્માત કેસનું કરાયું સમાધાન 

રાજ્યની અદાલતોમાં હજારો કેસ પેન્ડિંગ છે ત્યારે આવી લોક અદાલત યોજી કેસોમાં સમાધાન કારી વલણ અપનાવી કેસનો ઉકેલ કરવામાં આવે છે ત્યારે અમદાવાદ જિલ્લામાં પણ અદાલતમાં લોક અદાલત યોજાઈ હતી. જેમાં આજે ઐતિહાસિક સમાધાન કરવામાં આવ્યું હતું લોક અદાલતમાં રાજ્યભરમાં અંદાજે અઢી લાખ કેસ મુકાયા છે ત્યારે અમદાવાદમાં યોજાયેલી લોક અદાલતમાં એક સાથે 6 હજારથી વધુ કેસોનો નિકાલ કરવામાં આવ્યો હતો. લોક અદાલતમાં અમદાવાદ જિલ્લાના 60 જજ જોડાયા હતા. અકસ્માતના એક કેસમાં દીકરો ગુમાવનાર વિકલાંગ પિતાને ન્યાય અપાવતા લોક અદાલતે પિતાને ફ્યુચર જનરલ ઇન્ડિયા ઇન્સ્યુરન્સ કંપની પાસેથી 1 કરોડ 60 લાખનું વળતર અપાવ્યું હતું જે એક ઐતિહાસિક સમાધાન બનવા પામ્યું છે. 
 

દેશભરમાં 2021નની છેલ્લી લોકઅદાલતનું આયોજન

મહત્વનું છે કે વર્ષ 2016માં અમદાવાદમાં એક અકસ્માત દરમિયાન વિકલાંગ પિતાએ પુત્ર ગુમાવ્યો હતો.જે બાદ પિતાએ લોક અદાલતનો સહારો લીધો હતો. ત્યારે ઇન્સ્યુરન્સ કંપનીએ મૃતકના વિકલાંગ પિતાને 1.60 કરોડ ચૂકવ્યા હતા. લોક અદાલતમાં કેસનું સમાધાન થતા પુત્ર ગુમાવનાર પિતાને વળતર અપાયું હતું આ સમયે લોક અદાલતમાં બાર એસો.ના પ્રમુખ રાજેશ પારેખ અને ધર્મેન્દ્ર ચૌહાણ અને યોગેષ શાહ સહિતના વકીલો હાજર રહ્યા હતા.