માવઠું / ગીર સોમનાથ, ડાંગ સહિત આ જિલ્લાઓમાં વરસાદના જોરદાર ઝાપટાં, કમોસમી વરસાદ થતાં ખેડૂતોની વધ્યું ટેન્શન

• માળીયા હાટીનામાં પવન સાથે કમોસમી વરસાદ
• વરસાદથી મગફળી અને કપાસનાં તૈયાર પાકોને નુકશાન
• ગીર સોમનાથ જીલ્લામાં કરા સાથે વરસાદ પડતા શિયાળુ પાકને નુકશાનની ભીતી

 મગફળી અને કપાસના તૈયાર પાકોને નુકસાન
જૂનાગઢનાં માળીયા હાટીનામાં પવન સાથે કમોસમી વરસાદ પડ્યો હતો. બપોર પછીનાં સમયે વરસાદ વરસ્યો હતો. માળીયા હાટીનાં આપસાપનાં વિસ્તારમાં વરસાદ પડ્યો હતો. કમોસમી વરસાદથી ખેડૂતોની મુશ્કેલી વધી હતી. વરસાદનાં કારણે મગફળી અને કપાસનાં તૈયાર પાકને નુકશાન થવાની ભીંતી ખેડૂતો સેવી રહ્યા છે. 

કમોસમી વરસાદથી ખેડૂતોની વધી મુશ્કેલી
ડાંગ જીલ્લામાં કમોસમી  વરસાદનાં કારણે સાપુતારાનાં કેટલાક વિસ્તારમાં ધોધમાર વરસાદ પડ્યો હતો. કમોસમી વરસાદથી ખેડૂતોની મુશ્કેલી વધી છે. 

કરા સાથે વરસાદ પડતા શિયાળુ પાકને નુકસાનની ભીતિ
ગીર સોમનાથ જીલ્લામાં કમોસમી માવઠું પડ્યું હતું. સાસણગીર અને આસપાસનાં ગ્રામ્ય વિસ્તારોમાં વરસાદ પડ્યો હતો. ભોજદે ગામમાં કમોસમી વરસાદથી ખેડરમાં પાણી ફરી વળ્યા હતા. કરા સાથે વરસાદ પડતા શિયાળુ પાકને નુકશાનની ભીંતિ સેવાઈ રહી છે.