Health Tips / વજન ઘટાડવા માટે ખુબ જ ફાયદામંદ છે ડુંગળી, આ રીતે કરો સેવન

• ડુંગળીની મદદથી તમે નેચરલ રીતે વજન ઓછો કરી શકો છો
•  ડુંગળીને કઈ રીતે ડાઈટમાં ઉમેરવી ચાલો જાણીએ

વજન ઉતારવા માટે લોકો ઘણા પેંતરા અજમાવતા હોય છે. આજકાલની લાઈફસ્ટાઈલ અને ખાવાપીવાની આદતોને કારણે જલ્દીથી વજન વધવા લાગ્યો છે. એવામાં આજે અમે તમને એવી રીત જણાવવા જઇ રહ્યા છીએ જેની મદદથી તમે નેચરલ રીતે વજન ઓછો કરી શકો છો. આ નેચરલ રીત વધતા વજનને ઓછુ કરવામાં મદદ કરશે અને શરીરને કોઈ આડઅસર પણ નહીં પહોચાડે.

વધતા વજનને રોકવા અને ઓછુ કરવા માટે ડુંગળીના સેવનને ઘણું લાભદાયી માનવામાં આવ્યું છે. ડુંગળી ખાવાથી વજન ફટાફટ ઓછો થવા લાગશે. ડુંગળીમાં એક ખાસ પ્રકારનું ફ્લેવોનોઇડ હોય છે જે મેટાબોલીઝમને બુસ્ટ કરે છે અને શરીરમાં ફેટને બનતા અને જમા થતા અટકાવે છે. આ સાથે જ ડુંગળીમાં બીજા ઘણાં પોષકતત્વો મળી રહે છે અને તે વિટામિન્સથી ભરપુર છે. તેમાં વિટામીન એ, સી, ઈ ની સાથે સાથે એન્ટીઓક્સીડન્ટ, કર્બોહાઈડ્રેટ, કોલેસ્ટ્રોલ, ફોસ્ફરસ, જીંક અને આયર્ન પણ મળી રહે છે.  ડુંગળીને કઈ રીતે ડાઈટમાં ઉમેરવી ચાલો જાણીએ. 

કાચી ડુંગળી ખાઓ 
કાચી ડુંગળી ખાધા પછી મોં માંથી દુર્ગંધ આવે છે પણ જો તમે વજન ઉતારવા માંગો છો તો કાચી ડુંગળી ખાઓ. તમે કાચી ડુંગળીને કાપી ટેનમાં મીઠું છાંટીને ખાઈ શકો છો. સાથે જ જમવા સાથે સલાડમાં પણ ખાઈ શકો છો. 

શાકમાં વધારો ડુંગળીની માત્રા 
જો તમે બપોરે કે રાત્રે સબ્જી બનાવો છો તો તેમાં ડુંગળી ઉમેરવાની શરૂઆત કરી દો અને ધીરે ધીરે તેણી માત્રામાં થોડો વધારો કરો. તમારું વજન જલ્દી જ ઉતરી જશે. 

ડુંગળીનો રસ પીઓ 
બે ડુંગળી લઇને તેને પાણીમાં ઉકલી લો. એ પછી તેને બહાર કાઢીને ઠંડી થવા દો. ઠંડી થયા પછી મિક્સચરમાં નાખીને તેને પીસી દો. તેના રસને ગ્લાસમાં કાઢી તમે સાદું કે તેમાં લીંબુ કે મીઠું ઉમેરીને પણ પી શકો છો.